rKTs

e-texts navigator

Volume

Page

142a₁ kye ma lus 'di ni rus pa la rgyus pas 'brel pa ste 'khrul 'khor lta bu'o/ /lus 'di ni phyin ci log las byung ba ste/ sgyu ma lta bu'o/ /lus 'di ni yang dag pa ma yin pa mthong ba ste/ rmi lam lta bu'o/ /lus 'di ni sngon gyi
142a₂ las kyi gzugs brnyan snang ba ste/ gzugs lta bu'o/ /lus 'di ni rkyen la rag las pa'i phyir brag cha lta bu'o/ /lus 'di ni sems 'khrug cing 'gyes pa'i mtshan ma ste sprin lta bu'o/ /lus 'di ni skad cig tu 'jig pa dang ldan
142a₃ zhing mi gnas pa ste/ glog dang mtshungs pa'o/ /lus 'di ni rkyen sna tshogs las byung ba ste/ bdag po med pa'o/ /lus 'di ni sa dang 'dra ste byed pa med pa'o/ /lus 'di ni chu dang 'dra ste bdag med pa'o/ /lus 'di ni me dang 'dra ste srog med
142a₄ pa'o/ /lus 'di ni rlung dang 'dra ste gang zag med pa'o/ /lus 'di ni nam mkha' dang 'dra ste/ rang bzhin med pa'o/ /lus 'di ni 'byung ba chen po rnams kyi gnas te/ yang dag pa ma yin pa'o/ /lus 'di ni bdag dang bdag gi med pa ste
142a₅ stong pa'o/ /lus 'di ni rtswa dang / shing dang / rtsig pa dang / bong ba dang / mig yor lta bu ste bems po'o/ /lus 'di ni rlung gi 'khrul 'khor dang ldan pas 'byung ste tshor ba med pa'o/ /lus 'di ni rnag dang mi gtsang ba bsags pa ste/
142a₆ gsog go/ /lus 'di ni rtag tu byug pa dang / mnye ba dang / 'jig pa dang / dgyes pa'i chos can te gsob bo/ /lus 'di ni nad bzhi brgya rtsa bzhis gtses pa'o/ /lus 'di ni rtag tu rga bas zil gyis non pa ste/ khron pa rnying pa dang
142a₇ 'dra'o/ /lus 'di ni 'chi ba'i mthar thug pa ste/ mthar mi gnas pa'o/ /lus 'di ni phung po dang khams dang skye mched kyis yongs su zin pa ste/ gshed ma dang / dug drag po dang / grong stong lta bu'o/ /khyed kyis de lta bu'i lus de la
142a₈ sun pa dang / skyo ba bskyed cing de bzhin gshegs pa'i sku la mos pa bskyed par bya'o/ /grogs po rnams de bzhin gshegs pa'i sku ni chos kyi sku ste/ bsod nams las skyes pa'o/ /de bzhin gshegs pa'i sku ni sbyin pa las

_{iiif viewer powered by OpenSeadragon}

141b - 142b

Texts on this page