| e-texts navigator |
| བོད་ཡིག |
140a1 'di ni sangs rgyas mchog tu gdags pa zhes bya'o/ /chos mchog tu gdags pa gang zhe na/ 'dus byas sam/ 'dus ma byas kyi chos rnams gang yang rung ste/ de dag gi nang na ni 'dod chags dang bral ba'i chos
140a2 mchog yin par bstan to/ /chos la mngon par dga' ba su yang rung ba de dag ni/ mchog la mngon par dga' ba yin te/ mchog la mngon par dga' ba de dag ni/ rnam par smin pa yang lha rnams kyi nang du lhar gyur pa rnams
140a3 sam/ mi rnams kyi nang du mir gyur pa rnams kyi mchog 'ba' shig tu 'gyur bar shes par bya ste/ 'di ni chos mchog tu gdags pa zhes bya'o/ /dge 'dun mchog tu gdags pa gang zhe na/ tshogs sam/ 'dus pa 'am/ mang po
140a4 'am/ 'khor gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos kyi dge 'dun mchog yin par bstan to/ /dge 'dun la mngon par dga' ba su yang rung
140a5 ba de dag ni mchog la mngon par dga' ba yin te/ mchog la mngon par dga' ba de dag ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' shig tu 'gyur
140a6 bar shes par bya ste/ 'di ni dge 'dun mchog tu gdags pa zhes bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /mchog tu
140a7 gdags pa'i mdo rdzogs so/ / // @#/ /rgya gar skad du/ bi mug ta mAr ga d+hu ta gu Na nir de sha nA ma/ bod skad du/ rnam par grol ba'i lam las sbyangs pa'i yon tan bstan pa zhes bya ba/ 'jam dpal gzhon
140a8 nur gyur pa la phyag 'tshal lo/ /de nas de ltar tshul khrims rnam par dag pa'i rnal 'byor pa spyod pa sgrub par 'dod pa/ yon tan don du gnyer bas sbyangs pa'i yon tan yang dag par blangs te 'jug par bya'o/ /rnal 'byor spyod pa
iiif viewer powered by OpenSeadragon
Texts on this page
J245 - mchog tu gdags pa'i mdo
J246 - rnam par grol ba'i lam las sbyangs pa'i yon tan bstan pa zhes bya ba