| e-texts navigator |
| བོད་ཡིག |
139b1 de ltar ma byed cig / 'di ni nga'i rjes su bstan pa'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /ltung ba sde lnga'i dge ba
139b2 dang / mi dge ba'i 'bras bu brtag pa'i mdo rdzogs so// // rgya gar gyi mkhan po A tsar+ya dz+nyA na shrI gub ta dang / bod kyi lo ts+tsha ba dge slong shAkya blo gros kyis bsgyur cing gtan la phab pa/ /
139b3 mchog tu gdags pa'i mdo/ @#/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das nyan thos kyi dge 'dun dang bcas pa/ rgyal po'i khab na 'od ma'i tshal bya
139b4 ka lan da ka gnas par dbyar gnas par dam bcas te bzhugs so/ /der bcom ldan 'das kyis dge slong rnams la bka' stsal pa/ dge slong dag 'di gsum na mchog tu gdags pa yin te/ gsum gang zhe na/ sangs rgyas
139b5 mchog tu gdags pa dang / chos mchog tu gdags pa dang / dge 'dun mchog tu gdags pa'o/ /de la sangs rgyas mchog tu gdags pa gang zhe na/ sems can rkang med rnams sam/ rkang gnyis rnams sam/ rkang bzhi rnams
139b6 sam/ rkang mangs rnams sam/ gzugs can rnams sam/ gzugs can ma yin pa rnams sam/ 'du shes can rnams sam/ 'du shes can ma yin pa rnams sam/ 'du shes yod pa yang ma yin/ 'du shes med pa
139b7 yang ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par bstan to/ /sangs rgyas la mngon par dga' ba su yang rung ba de dag ni mchog
139b8 la mngon par dga' ba yin te/ mchog la mngon par dga' ba de dag ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' shig tu 'gyur bar shes par bya ste/
iiif viewer powered by OpenSeadragon
Texts on this page
J244 - ltung ba sde lnga'i dge ba dang mi dge ba'i 'bras bu brtag pa'i mdo
J245 - mchog tu gdags pa'i mdo