rKTs

e-texts navigator

Volume

Page

139a₁ dge slong dag pham par 'gyur ba'i chos bzhi po gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro
139a₂ gzhan 'phrul dbang byed kyi lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing lha'i gzugs dang / sgra dang / dri dang / ro dang /
139a₃ reg bya dang / lha'i g.yog 'khor dang ldan par 'gyur ro/ /dge slong dag gzhan 'phrul dbang byed kyi lha rnams kyi lo stong phrag bcu drug gang yin pa de ni dmyal ba chen po tsha ba'i nyin zhag gcig go/ /nyin zhag de sum cu la zla ba
139a₄ gcig go/ /zla ba bcu gnyis la lo gcig tu rtsis pa'i lo khri drug stong ni dmyal ba chen po tsha ba'i tshe'i tshad do/ /dge slong dag pham par 'gyur ba'i chos bzhi po gang dag mi srung ba dang / mi sbed pa dang / yongs su mi skyong
139a₅ ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po tsha bar skye bar 'gyur te/ de dag der yang sdug bsngal shin du drag pa dang /
139a₆ rtsub pa dang / tsha ba dang / yid du mi 'ong ba'i tshor ba myong bar 'gyur ro/ /pham par 'gyur ba'i chos bzhi'i ltung ba brtag pa'o/ /dge slong dag de lta bas na/ gang de dag bstan bcos thos pa rnams kyis bdag la phan par
139a₇ bya ba dang / snying brtse ba dang / snying rje ba dang / don 'dod pa dang / phan pa tshol bas snying brtse ba 'dis khyed cag rnams kyis 'di ltar bya ste/ dge slong dag dgon pa dang / shing drung dang / khang stong dang / ri khrod dang / ri phug dang /
139a₈ pa la pun dzA b+h+ya ba ka sha dang / dur khrod dang / nags mdab dang / bas mtha'i gnas mal du gnas te 'di dag nges par bsam par bya'o/ /dge slong dag bag yod par gyis shig /ci nas kyang phyis 'gyod par 'gyur ba

_{iiif viewer powered by OpenSeadragon}

138b - 139b

Texts on this page