| e-texts navigator |
| བོད་ཡིག |
134a1 gzhan zhig na rgyal po seng ge 'gram shi nas/ ser skya'i gzhi na rgyal po zas gtsang rgyal srid byed du bcug ste/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ 'thab pa
134a2 dang / thab mo dang / rtsod pa dang / 'gyed pa dang / chom rkun med cing / nad rab tu zhi bar gyur pa/ 'bras dang / bu ram shing gi phreng ba dang / ba lang dang / ma he phun sum tshogs pa na/ bu gcig pa la sdug pa bzhin du rgyal srid skyong
134a3 bar byed do/ /de dus gzhan zhig na btsun mo sgyu 'phrul chen po dang lhan cig steng gi khang bzangs kyi gzhi skyes pa med par dong nas/ rol mos rtse bar byed/ dga' bar byed/ dga' dgur spyod par byed do/ /'di ni chos nyid yin te/
134a4 byang chub sems dpa' dga' ldan gyi gnas na bzhugs pa na 'jig rten la gzigs pa lngas gzigs par mdzad do/ /rigs la gzigs pa dang / yul la gzigs pa dang / dus la gzigs pa dang / rgyud la gzigs pa
134a5 dang / bud med la gzigs pa ste/ rgya cher mdo snga ma dang sbyar ro/ /mngon par 'byung ba'i mdo rdzogs so// // rgya gar gyi mkhan po A tsar+ya d+harma shrI b+ha dra dang / zhu chen gyi lo ts+tsha ba dge slong rin chen bzang pos bsgyur cing zhus te gtan la phab pa'o/ /
134a6 @##/ /rgya gar skad du/ b+hik+Shu pra re dzu sU tra nA ma/ bod skad du/ dge slong la rab tu gces pa'i mdo zhes bya ba/ thams cad mkhyen pa la phyag 'tshal lo/ /'di skad bdag gis thos pa dus gcig na/ bcom ldan 'das
134a7 mnyan yod kyi grong khyer chen po pad ma rgyas pa zhes bya ba'i gtsug lag khang na bzhugs te/ de nas dge slong gi dge 'dun 'khor stong phrag phyed dang bcu gsum dang thabs gcig go/ /de nas de'i tshe bcom ldan 'das kyi 'khor 'dus
134a8 pa de'i nang na 'phags pa nye bar 'khor zhes bya ba dbang po dul ba/ thos pa dang ldan pa/ shes rab zab pa/ bcom ldan 'das kyis legs par gsungs pa'i chos 'dul ba la lhag par mos shing mchog tu 'dzin par gnas pa rang
iiif viewer powered by OpenSeadragon
Texts on this page
J241 - mngon par 'byung ba'i mdo
J242 - dge slong la rab tu gces pa'i mdo zhes bya ba