| e-texts navigator |
| བོད་ཡིག |
133a1 dang ldan pa zhig btsa' bar 'gyur zhing stobs kyis 'khor los sgyur bar 'gyur ro zhes bstan to/ /yang de rtse bar byed/ dga' bar byed/ dga' dgur spyod par byed pa las bu mo gzugs bzang ba/ blta na sdug
133a2 pa mdzes pa/ kha dog bzang mo rgyas pa mchog dang ldan pa zhig btsas so/ /de btsas pa na grong khyer de dag thams cad snang ba rgya chen pos snang bar byas te/ sgyu 'phrul la ji lta ba bzhin du de'i gzugs bzang ba rnam pa
133a3 thams cad du dpyad par mi nus so/ /de'i btsas pa'i btsas ston yang rgya cher byas nas/ bu mo 'di'i ming cir gdags zhes ming 'dogs par byed do/ /blon po rnams kyis smras pa/ sgyu 'phrul bas 'di lhag
133a4 par gzugs bzang bas/ sgyu 'phrul chen mo zhes bgyi bar gdags so zhes btags so/ /de yang bskyed bsrings nas chen mor gyur pa dang / de la mtshan mkhan rnams kyis lung bstan pa/ skyes bu chen po'i
133a5 mtshan sum bcu rtsa gnyis dang ldan pa zhig btsa' bar 'gyur te/ de ni 'khor los sgyur ba'i rgyal por 'gyur ro zhes lung bstan to/ /rgyal po legs par rab sad kyis rgyal po seng ge 'gram la pho nya btang ste/ bdag
133a6 la bu mo gnyis shig btsas pa ni sgyu 'phrul dang / sgyu 'phrul chen mo lags te/ de la gcig la ni mtshan thams cad phun sum tshogs pa'i bu zhig btsa' bar 'gyur/ de ni stobs kyis 'khor los sgyur ba'i rgyal
133a7 por 'gyur ro zhes lung bstan to/ /gcig shos la ni skyes bu chen po'i mtshan sum bcu rtsa gnyis kyis brgyan pa'i bu zhig btsa' bar 'gyur zhing de ni 'khor los sgyur ba'i rgyal por 'gyur ro zhes lung bstan kyis 'di
133a8 gnyis las gang bzhed pa/ gzhon nu zas gtsang gi chung mar snoms shig /seng ge 'gram gyis slar spring pa/ gnyis ka yang gzhon nu la dgos mod kyi/ 'on kyang chung ma 'dra ba gnyis gcig la gzhag par mi
iiif viewer powered by OpenSeadragon
Texts on this page
J241 - mngon par 'byung ba'i mdo