| e-texts navigator |
| བོད་ཡིག |
132b1 po nas kye ma'o bdag gi rgyud la 'khor los sgyur ba skye bar gyur kyang ci ma rung snyam pa'i bsam pa 'di yod do/ /rgyal po legs par rab sad la yang yun ring po nas kye ma'o bdag ni seng ge 'gram dang lhan cig gnyen du gyur kyang ci
132b2 ma rung snyam pa'i bsam pa 'di yod do/ /ji tsam du dus gzhan zhig na de'i btsun mo dang lhan cig rtse bar byed/ dga' bar byed/ dga' dgur spyod pa las dus gzhan zhig na btsun mo sems can dang ldan par gyur nas/ de zla ba
132b3 brgyad dam dgu 'das pa na bu mo gzugs bzang ba/ blta na sdug pa/ mdzes pa/ yan lag dang / nying lag thams cad dang ldan pa zhig btsas so/ /btsas pa de'i gzugs bzang pos rgyal po legs par rab sad
132b4 btsun mo'i 'khor dang bcas pa dang lhas bstan na gnas pa'i skye bo'i tshogs rnams mchog tu ngo mtshar skyes te/ the tsom du gyur nas ci 'di bu mo yin nam/ 'on te las sna tshogs pas sprul pa'i sgyu 'phrul yin snyam
132b5 mo/ /de'i btsas pa'i btsas ston nyi ma bdun gsum nyi shu gc-ig tu rgya cher byas nas bu mo 'di'i ming cir gdags zhes ming 'dogs par byed do/ /blon po rnams kyis smras pa/ lhas bstan na gnas pa'i skye bo'i
132b6 tshogs lam po che dang / tshong 'dus dang / sum mdo dang / bzhi mdo rnams su gleng ba kha cig gi mchid nas ni 'di bu mo kho na lags te/ sngon gyi las kyi rnam par smin pas gzugs bzang zhing kha dog phun sum tshogs par gyur
132b7 to zhes mchi'o/ /gzhan dag gi mchid nas ni 'di bu mo ma lags kyi 'o na ci zhe na las sna tshogs pas sprul pa'i sgyu 'phrul lags so zhes mchi lags pas/ de bas na bu mo'i ming sgyu 'phrul zhes bgyi bar gdags so
132b8 zhes btags so/ /bu mo sgyu 'phrul ma ma brgyad la rjes su gtad de zhes bya ba nas chen mor gyur to zhes bya ba'i bar gong ma bzhin du'o/ /de la mtshan mkhan rnams kyis lung bstan pa/ mtshan phun sum tshogs pa du ma
iiif viewer powered by OpenSeadragon
Texts on this page
J241 - mngon par 'byung ba'i mdo