| e-texts navigator |
| བོད་ཡིག |
132a1 thab mo dang / rtsod pa dang / 'gyed pa dang / chom rkun med cing nad rab tu zhi bar gyur pa/ 'bras dang / bu ram shing gi phreng dang / ba lang dang / ma he phun sum tshogs pa na bu gcig pa la sdug pa bzhin du rgyal srid skyong bar byed do/ /
132a2 grong khyer lhas bstan du rgyal po legs par rab sad ces bya ba rgyal srid byed tu 'jug ste/ 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba/ 'thab pa dang / thab mo dang / rtsod pa dang / 'gyed pa
132a3 dang / chom rkun med cing nad rab tu zhi bar bya bar gyur pa/ 'bras dang / bu ram shing gi phreng ba dang / ba lang dang / ma he phun sum tshogs pa na/ bu gcig pa la sdug pa bzhin du rgyal srid skyong bar byed do/ /rgyal po legs par rab sad
132a4 kyi btsun mo dam pa gzugs bzang ba/ blta na sdug pa/ mdzes pa/ yul gyi bzang mo lum bi nI zhes bya ba yod do/ /lhas bstan na khyim bdag phyug cing nor mang la longs spyod che ba yongs su bzung ba yangs shing rgya che ba/
132a5 rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa de'i kun dga' ra ba me tog phun sum tshogs pa dang / 'bras bu phun sum tshogs pa dang / chu phun sum tshogs pa dang / bya sna tshogs skad 'byin
132a6 pas de'i kun dga' ra ba dga' dga' ltar 'dug pa der rgyal po dus dus su btsun mo'i 'khor dang lhan cig lhags nas de na dga' ba'i rtsed mo nyams su myong bar byed do/ /lum bi nis de mthong nas 'dod pa skyes de/ des smras
132a7 pa/ lha kun dga' ra ba 'di bdag la stsal du gsol/ rgyal pos smras pa/ da kun dga' ra ba 'di khyim bdag gi yin na ji ltar sbyin/ gal te khyod la kun dga' ra ba dgos na khyod kyi phyir de bas lhag par bzang ba gzhan zhig
132a8 bya'o/ /de nas rgyal po legs par rab sad kyis lum bi nI'i ched du de bas khyad par du 'phags pa'i kun dga' ra ba zhig byed du bcug nas/ de'i ming lum bi nI'i tshal zhes bya bar gyur to/ /rgyal po seng ge 'gram la yun ring
iiif viewer powered by OpenSeadragon
Texts on this page
J241 - mngon par 'byung ba'i mdo