rKTs

e-texts navigator

Volume

Page

131a₁ ste/ kye ma gzhon nu rnams ni phod pa yin no/ /kye ma gzhon nu rnams ni shin du phod pa yin no zhes byas pas de rnams shAkya shAkya zhes bya bar gyur to/ /de rnams dus gzhan zhig na rgyal po bu ram shing pa 'phags
131a₂ skyes po shi nas rgyal srid dga' rgyal srid la dbang bskur ro/ /de yang bu med par shi nas skar mda' gtong rgyal srid kyi dbang phyug la dbang byed tu bcug go/ /de yang bu med par shi nas lag rna rgyal por gyur to/ /de yang bu med
131a₃ par shi nas glang po che 'dul rgyal por gyur to/ /de yang bu med par shi nas rkang gdub can rgyal por gyur to/ /de'i bu gnas 'jog go/ /gau ta ma dag gnas 'jog gi bu sa khyim mo/ /gau ta ma dag rgyal po sa khyim gyi bu dang / tsha
131a₄ bo dang / yang tsha dang / sum tsha'i rgyud rgyal po lnga khri lnga stong grong khyer ser skya'i gzhir byung ste/ de rnams kyi tha ma ni shing rta bcu pa dang / shing rta brgya pa dang / shing rta dgu bcu dang / shing rta khra bo dang / shing rta rgyal dang / brtan pa'i shing rta dang /
131a₅ gzhu bcu pa dang / gzhu brgya pa dang / gzhu dgu bcu dang / gzhu rgyal dang / gzhu bkra dang / gzhu brtan no/ /gau ta ma dag gzhu brtan la bu gnyis te/ seng ge'i 'gram dang / seng ge'i sgra'o/ /gau ta ma dag 'dzam bu'i gling gi gzhu thogs ji
131a₆ snyed yod pa de rnams kyi nang na seng ge'i 'gram mchog tu grags so/ /gau ta ma dag seng ge'i 'gram la bu bzhi ste/ zas gtsang dang / zas dkar dang / bre bo zas dang / bdud rtsi'i zas so/ /bu mo gtsang ma dang / dkar mo dang / bre mo
131a₇ ma dang / bdud rtsi ma'o/ /zas gtsang la bu gnyis te/ bcom ldan 'das dang / tshe dang ldan pa dga' bo'o/ /zas dkar la bu gnyis te/ tshe dang ldan pa rgyal dang / shAkya'i rgyal po bzang ldan no/ /bre bo zas la bu gnyis te/ ming chen
131a₈ dang / tshe dang ldan pa ma 'gags pa'o/ /bdud rtsi zas kyi bu gnyis te/ tshe dang ldan pa kun dga' bo dang / lha sbyin no/ /gtsang ma'i bu ni legs par rab sad do/ /dkar mo'i bu ni phreng ba can no/ /bre bo ma'i bu ni bzang len no/ /

_{iiif viewer powered by OpenSeadragon}

130b - 131b

Texts on this page