| e-texts navigator |
| བོད་ཡིག |
130b1 gnas kyi phyir gzhi yongs su btang bas ser skya'i gzhi ser skya'i gzhi zhes bya bar gyur to/ /de rnams der 'phel bar gyur pas skye bo'i tshogs chen por gyur te/ dogs pas 'phel che bar ma gyur to/ /lha rnams kyi
130b2 sems kyis de rnams kyi sems shes nas phyogs gzhan zhig bstan pa dang / de rnams der dong ste grong khyer cig shos brtsigs nas lhas bstan lhas bstan ces bya bar gyur to/ /de nas de rnams tshogs shing 'dus
130b3 nas phan tshun gros bya bar brtsams pa/ shes ldan dag gang gi phyir bdag cag spyugs pa ni rigs mnyam pa las chung ma ma blangs pa de las gyur gyis de bas na bdag cag las sus kyang rigs mnyam pa las chun ma
130b4 blang bar mi bya ste gcig kho nas chog shes par bya'o/ /de rnams rigs mnyam pa gcig kho na las chung ma len gyi chun ma ni mi len to/ /de nas dus gzhan zhig na rgyal po 'phags skyes po bu sdug pa rnams rjes su dran
130b5 nas blon po rnams la smras pa/ kye grong pa dag gzhon nu de rnams da ltar gang na 'dug /de rnams kyis smras pa/ lhas nongs pa 'ga' zhig la spyugs pa las de rnams rang rang gi sring mo khrid de 'di nas mchis pa na gangs ri dang
130b6 nye ba chu bo skal ldan shing rta'i 'gram drang srong ser skya'i bsti gnas dang ha cang mi ring ba zhig tu gnas btab ste rang rang gi sring mo spangs te/ mas dbyen gyi sring mo rnams dang lhan cig rtse bar bgyid/ dga' bar bgyid/ dga' dgur spyod par
130b7 bgyid do/ /de rnams rtse bar bgyid/ dga' bar bgyid/ dga' dgur spyod par bgyid pa na bu pho dang / bu mo dag btsas so/ /grong pa dag gzhon nu rnams kyis de ltar byed phod dam lha rngo thogs lags so/ /de nas rgyal po bu ram shing pa
130b8 'phags skyes pos ro stod bsrang nas lag pa g.yas pa brkyang ste/ ched du brjod pas ched du brjod pa/ kye ma gzhon nu rnams ni phod pa yin no/ /kye ma gzhon nu rnams ni shin du phod pa yin no zhes sems can dbang chen pos tshig tu phyung
iiif viewer powered by OpenSeadragon
Texts on this page
J241 - mngon par 'byung ba'i mdo