rKTs

e-texts navigator

Volume

Page

328a₁ 'di lta bu dag skyes te/ 'jigs pa gang dag 'byung zhing skye ba de dag thams cad ni byis pa las skye'i mkhas pa las ni ma lags so/ /yams kyi nad gang dag dang / gnod pa dang / nad 'go ba dang / 'khrug pa gang
328a₂ dag 'byung zhing skye ba de dag thams cad ni byis pa las skye'i mkhas pa las ni ma lags so snyam mo/ /kun dga' bo de de bzhin no/ /de de bzhin te/ 'jigs pa gang dag 'byung zhing skye ba de dag thams cad ni byis pa las
328a₃ skye'i mkhas pa las ni ma yin no/ /yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i mkhas pa las ni ma yin no/ /kun dga' bo dper
328a₄ na 'dam bu skam po'i khang pa 'am/ rtswa skam po'i khang pa 'am/ sog ma skam po'i phung po dag la me btang na de rnams kyang tshig par byed do/ /de bzhin du 'jigs pa gang dag 'byung zhing skye ba de dag thams cad ni byis pa las
328a₅ skye'i mkhas pa las ni ma yin no/ /yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i mkhas pa las ni ma yin no/ /kun dga' bo 'das pa'i
328a₆ dus su 'jigs pa gang dag byung zhing skyes pa de dag thams cad ni byis pa las skye'i mkhas pa las ni ma yin no/ /yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skyes pa de dag thams cad
328a₇ ni byis pa las skye'i mkhas pa las ni ma yin no/ /kun dga' bo ma 'ongs pa'i dus 'jigs pa gang dag 'byung zhing skye bar 'gyur ba de dag thams cad ni byis pa las skye bar 'gyur gyi mkhas pa las ni ma yin no/ /yams
328a₈ kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye bar 'gyur ba de dag thams cad ni byis pa las skye bar 'gyur gyi mkhas pa las ni ma yin no/ /kun dga' bo de ltar na 'das pa dang / ma

_{iiif viewer powered by OpenSeadragon}

327b - 328b

Texts on this page