| e-texts navigator |
| བོད་ཡིག |
327b1 par bag kyang bya/ /rgyal rigs dpe byad ldan pa dang / /brang 'gro me dang de bzhin du/ /dge slong tshul khrims ldan pa da/ /mkhas pas zil gyis mnan mi bya/ /de phyir bdag srog srung byed pas/ /de ni khyad du gsad mi bya/ /
327b2 bdag nyid don la legs lta bas/ /de ni legs par spang bar bya/ /de nas ko sa la'i rgyal po gsal rgyal gyis bcom ldan 'das kyis bka' stsal pa la mngon par bstod cing rjes su yi rang pa byas nas/ bcom ldan
327b3 'das kyi zhabs la mgo bos phyag 'tshol te/ bcom ldan 'das kyi spyan snga nas phyir song ngo / /gzhon nu dpe'i mdo rdzogs so// // @#/ /rgya gar skad du/ d+hA tu ba hu ta ka sU tra/ bod skad du/ khams mang po pa'i mdo/
327b4 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/
327b5 de nas tshe dang ldan pa kun dga' bo gcig pu dben par song ste/ nang du yang dag bzhag nas sems la sems kyi rnam par rtog pa 'di lta bu dag skyes te/ 'jigs pa gang dag 'byung zhing skye ba de dag thams cad
327b6 ni byis pa las skye'i mkhas pa las ni ma yin no/ /yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i mkhas pa las ni ma yin no/ /
327b7 de nas tshe dang ldan pa kun dga' bo phyem red nang du yang dag 'jog las langs nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /
327b8 phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'dir bdag gcig pu dben par mchis te/ nang du yang dag bzhag na sems la sems kyi rnam par rtog pa
iiif viewer powered by OpenSeadragon
Texts on this page
J237 - gzhon nu dpe'i mdo
J238(a) - khams mang po'i mdo