| e-texts navigator |
| བོད་ཡིག |
303a1 nga ni zhi ba'o/ /nga ni mya ngan las 'das pa'o/ /nga ni sred pa med pa'o/ /nga ni nye bar len pa med pa ste/ nga la sngon bdag yod par gyur pa de ni da ltar nga la med do zhes zer ba de la nye bar len pa yod pa kho nar snang ste
303a2 dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa yang yod pas na/ de bzhin gshegs pas de yod par thugs
303a3 su chud nas de las phyir log cing de la zhi bar gzigs/ nges par 'byung bar gzigs shing bzhugs te/ dge slong dag tshe 'di nyid la mya ngan las 'da' bar smra ba dag tshe 'di nyid la mya ngan las 'da' bar mngon par rjod pa
303a4 mngon par rjod par byed pa de snyed yod do/ /dge slong dag gzhan yang skyes bu 'dul ba'i kha lo sgyur ba bla na med pa ngas rang gi mngon par shes pas mngon par rdzogs par sangs rgyas te bshad pa go 'phang dam pa gzhan
303a5 yang yod do/ /dge slong dag skyes bu 'dul ba'i kha lo sgyur ba'i bla na med pa ngas rang gi mngon par shes pas mngon par rdzogs par sangs rgyas te bshad pa go 'phang dam pa gzhan de gang zhe na/ dge slong dag 'di lta ste/
303a6 zag pa rnams zad pas zag pa med cing mngon par 'dus ma byas pa'i rnam par grol ba ste/ dge slong dag de ni skyes bu gdul bya'i kha lo sgyur ba bla na med pa ngas rang gi mngon par shes pas mngon par shes pa mngon par
303a7 rdzogs par sangs rgyas te bshad pa go 'phang dam pa yin no/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /bar sdom ni/
303a8 'du shes tha dad gzugs can dang / /chad dang rtag par lta ba dang / /grib dang chu dang mkhar ba dang / /skyes bu gdul bya tha ma yin/ /mdo chen po lnga gsum pa zhes bya ba rdzogs so// //
iiif viewer powered by OpenSeadragon
Texts on this page
J235 - mdo chen po lnga gsum pa zhes bya ba