rKTs

e-texts navigator

Volume

Page

302b₁ bde ba las kyang yang dag par 'das/ sdug bsngal yang ma yin/ bde ba yang ma yin pa'i tshor ba las kyang yang dag par 'das nas/ 'di skad ces nga ni zhi ba'o/ /nga ni mya ngan las 'das pa'o/ /nga ni sred pa med
302b₂ pa'o/ /nga ni nye bar len pa med pa ste/ nga la sngon bdag yod par gyur pa de ni da ltar nga la med do zhes zer te/ de bzhin gshegs pas dge sbyong ngam bram ze gang sngon gyi mtha' dang ldan pa'i lta ba'i rnam pa dag
302b₃ rab tu spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba las yang dag par 'das shing zang zing
302b₄ med pa'i bde ba las kyang yang dag par 'das/ sdug bsngal yang ma yin/ bde ba yang ma yin pa'i tshor ba las kyang yang dag par 'das nas 'di skad ces/ nga ni zhi ba'o/ /nga ni mya ngan las 'das pa'o/ /nga ni sred
302b₅ pa med pa'o/ /nga ni nye bar len pa med pa ste/ nga la sngon bdag yod par gyur pa de ni da ltar nga la med do zhes zer ba de yang yang dag pa ji lta ba bzhin du rab tu mkhyen to/ /de ni 'di ltar rig par bya ste/ tshe dang ldan
302b₆ pa de ni nye bar len pa dang 'thun par 'gro ba'i lam gang yin pa las yang dag par ma 'das par rig par bya'o/ /des ni 'di ltar 'dod par bya ste/ yang sngon gyi mtha' dang ldan pa'i lta ba'i rnam pa gang yin pa dag
302b₇ nye bar len par 'gyur ba dang / phyi ma'i mtha' dang ldan pa'i lta ba'i rnam pa dag kyang nye bar len par 'gyur ba dang / tshe 'di nyid la 'dod pa'i kun du sbyor ba yang nye bar len par 'gyur ba dang / rab tu dben pa'i dga'
302b₈ ba yang nye bar len par 'gyur ba dang / zang zing med pa'i bde ba yang nye bar len par 'gyur ba dang / sdug bsngal yang ma yin bde ba yang ma yin pa'i tshor ba yang nye bar len par 'gyur bar 'dod par bya'o/ /yang de 'di skad ces

_{iiif viewer powered by OpenSeadragon}

302a - 303a

Texts on this page