rKTs

e-texts navigator

Volume

Page

302a₁ sum du byas nas bsgrubs te gnas pa 'di lta ste/ sdug bsngal yang ma yin/ bde ba yang ma yin pa'i tshor ba 'di ni zhi ba'o/ /'di ni gya nom pa'o snyam du sems pa de yang yang dag pa ji lta ba bzhin du
302a₂ rab tu mkhyen to/ /dge slong dag sdug bsngal ba yang ma yin bde ba yang ma yin pa'i tshor ba yang mi rtag pa dang / 'gog pa'i chos can yin te/ sdug bsngal yang ma yin/ bde ba yang ma yin pa'i tshor ba 'gags pa
302a₃ las bde ba dang / sdug bsngal 'byung bar 'gyur la/ bde ba dang sdug bsngal 'gags pa las kyang / sdug bsngal yang ma yin/ bde ba yang ma yin pa'i tshor ba 'byung bar 'gyur te/ dge slong dag 'di lta ste/
302a₄ dper na 'khar ba nam mkha' la 'phangs na/ yang na ni yu bas phyir lhung ngo / /yang na ni rtse mos so/ /dge slong dag de bzhin du sdug bsngal yang ma yin/ bde ba yang ma yin pa'i tshor ba 'gags pa las kyang
302a₅ bde ba dang sdug bsngal 'byung bar 'gyur la/ bde ba dang sdug bsngal 'gags pa las kyang sdug bsngal yang ma yin bde ba yang ma yin pa'i tshor ba 'byung bar 'gyur te/ dge slong dag de yang rags pa/ 'dus
302a₆ byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa yang yod pas na/ de bzhin gshegs pas de yod par thugs su chud nas de las
302a₇ phyir ldog cing de la zhi bar gzigs/ nges par 'byung bar gzigs shing bzhugs so/ /dge slong dag gzhan yang 'di na dge sbyong ngam bram ze la las sngon gyi mtha' dang ldan pa'i lta ba'i rnam pa dag rab tu spangs
302a₈ shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba las yang dag par 'das shing zang zing med pa'i

_{iiif viewer powered by OpenSeadragon}

301b - 302b

Texts on this page