rKTs

e-texts navigator

Volume

Page

298a₁ 'di ltar bdag cag phyi ma la 'di lta bu dang 'di lta bur 'gyur bar bya'o zhes legs su smon pa kho na mngon par rjod pa mngon par rjod par byed de/ de dag gis smras pa/ de ni tshong pa lta bur 'gyur ro snyam du sems
298a₂ pa dang / de dag 'di snyam du yang sems te/ ji srid du bdag 'di gzugs can rags pa/ 'byung ba chen po bzhi'i rgyu las byung zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/
298a₃ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de tsam du bdag 'di yang dag par shin du legs par chad pa yin
298a₄ no/ /ji srid du 'dod pa na spyod pa'i lha dang / gzugs na spyod pa'i lha dang / gzugs med pa nam mkha' mtha' yas skye mched du nye bar 'gro/ gzugs med pa rnam shes mtha' yas skye mched du nye bar 'gro/ gzugs
298a₅ med pa ci yang med pa'i skye mched du nye bar 'gro/ gzugs med pa 'du shes med 'du shes med min skye mched du nye bar 'gro zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras
298a₆ dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de tsam du bdag 'di yang dag par shin du legs par
298a₇ chad pa yin no snyam du sems pa de dag kyang yang dag pa ji lta ba bzhin du rab tu mkhyen to/ /dge slong dag dge sbyong dang bram ze shes pa dang ldan pa/ chad par smra ba/ sems can yod pa la chad pa dang / 'jig pa dang /
298a₈ med par 'dogs par byed pa de dag la ni mi shes pa'i phung po'i lhag ma yod do/ /ji tsam du mi shes pa'i phung po'i lhag ma yod pa de tsam du 'jig tshogs kyis 'jig pa yod pas 'jig tshogs kyis 'jigs shing skrag ste/

_{iiif viewer powered by OpenSeadragon}

297b - 298b

Texts on this page