rKTs

e-texts navigator

Volume

Page

297a₁ grub par 'gyur ro snyam du sems so/ /de bzhin du dge sbyong dang bram ze shes pa dang ldan pa/ phyis 'khor zhing legs su smon pa smra ba 'di dang thams cad kyang 'di ltar bdag cag phyi ma la 'di
297a₂ lta bu dang 'di lta bur 'gyur bar bya'o/ /'di ltar bdag cag phyi ma la 'di lta bu dang 'di lta bur 'gyur bar bya'o zhes legs su smon pa kho na mngon par rjod pa mngon par rjod par byed de/ de dag gis smras pa de ni tshong
297a₃ pa lta bur 'gyur ro snyam du sems so/ /de dag 'di snyam du yang sems te/ ji srid du bdag 'di gzugs can rags pa/ 'byung ba chen po bzhi'i rgyu las byung zhing / gson la 'dug ste/ 'tsho zhing sdod par 'gyur
297a₄ ba de srid du nad dang bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de tsam du bdag
297a₅ 'di yang dag par shin tu legs par chad pa yin no/ /ji srid du 'dod pa na spyod pa'i lha dang / gzugs na spyod pa'i lha dang / gzugs med pa nam mkha' mtha' yas skye mched du nye bar 'gro'o/ /gzugs med pa
297a₆ rnam shes mtha' yas skyes mched du nye bar 'gro/ gzugs med pa ci yang med pa'i skye mched du nye bar 'gro/ gzugs med pa 'du shes med 'du shes med min skye mched du nye bar 'gro zhing gson la 'dug ste/
297a₇ 'tsho zhing sdod par 'gyur ba de srid du nad dang bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi
297a₈ 'byung ba de tsam du bdag 'di yang dag par shin tu legs par chad pa yin no snyam du sems te/ de bzhin gshegs pas dge sbyong dang bram ze gang dag chad par smra ba de dag kha cig de phan chad bdag chad par

_{iiif viewer powered by OpenSeadragon}

296b - 297b

Texts on this page