rKTs

e-texts navigator

Volume

Page

296b₁ yang yod pas na/ de bzhin gshegs pas de yod par thugs su chud nas de las phyir log cing de la zhi bar gzigs/ nges par 'byung bar gzigs shing bzhugs so/ /dge slong dag de la dge sbyong dang
296b₂ b ram ze gang dag chad par smra ba de dag kha cig de phan chad bdag chad par 'gyur ro zhes mngon par rjod pa mngon par rjod par byed pa de dag ni dge sbyong dang bram ze gang dag 'du shes can du smra ba de dag kha cig de phan
296b₃ chad bdag 'du shes can du 'gyur ro zhes mngon par rjod pa mngon par rjod par byed pa de dag gis smras pa la phyir rgol bar byed/ smod par byed cing / dge sbyong dang bram ze gang dag 'du shes med par smra ba de dag kha
296b₄ cig de phan chad bdag 'du shes med par 'gyur ro zhes mngon par rjod pa mngon par rjod par byed pa de dag gis smras pa la yang phyir rgol bar byed/ smod par byed la/ dge sbyong dang bram ze gang dag 'du shes yod pa yang ma
296b₅ yin/ 'du shes med pa yang ma yin par smra ba de dag kha cig de phan chad bdag 'du shes yod pa yang ma yin/ 'du shes med pa yang ma yin par 'gyur ro zhes mngon par rjod pa mngon par rjod par byed pa de dag gis smras
296b₆ pa la yang phyir rgol bar byed/ dmod par byed cing / de dag 'di snyam du sems te/ dge sbyong dang bram ze shes pa dang ldan pa/ phyis 'khor zhing legs su smon par smra ba 'di dag thams cad ni 'di ltar bdag cag phyi
296b₇ ma la 'di lta bu dang 'di lta bur 'gyur bar bya'o/ /'di ltar bdag cag phyi ma la 'di lta bu dang / 'di lta bur 'gyur bar bya'o zhes legs su smon pa kho na mngon par rjod par byed de 'di lta ste/ dper na skyes bu tshong pa zhig
296b₈ tshong zong gis tshong byed pa na 'di snyam du sems te/ bdag gis tshong zong 'di las 'di lta bu dang 'di lta bu dag blangs shing gzhan du 'gro bar bya ste/ der son na bdag la khe spogs 'di lta bu dang 'di lta bu dag

_{iiif viewer powered by OpenSeadragon}

296a - 297a

Texts on this page