rKTs

e-texts navigator

Volume

Page

296a₁ smra ba de dag kha cig de phan chad bdag 'du shes yod pa yang ma yin/ 'du shes med pa yang ma yin par 'gyur ro zhes mngon par rjod pa mngon par rjod par byed pa de dag /dge sbyong dang bram ze gang dag 'du
296a₂ shes can du 'gyur ro/ /de phan chad bdag 'du shes can du 'gyur ro zhes mngon par rjod pa mngon par rjod par byed pa de dag gis smras pa la phyir rgol bar byed/ smod par byed la dge sbyong dang bram ze gang dag 'du shes
296a₃ med par smra ba de dag kha cig de phan chad bdag 'du shes med par 'gyur ro zhes mngon par rjod pa mngon par rjod par byed pa de dag gis smras pa la yang phyir rgol bar byed/ smod par byed cing de dag 'di snyam du sems te/
296a₄ 'du shes ni nad do/ /'du shes ni 'bras so/ /'du shes ni zug rngu'o/ /'du shes med pa yang kun du rmongs pa'o/ /'di lta ste/ 'du shes med 'du shes med min skye mched 'di ni zhi ba'o/ /'di ni gya nom pa'o snyam du
296a₅ sems pa de dag kyang yang dag pa ji lta ba bzhin du rab tu mkhyen to/ /dge slong dag nga ni mthong ba dang / thos pa dang / bye brag phyed pa dang / rnam par shes pa dang / tshul khrims dang / brtul zhugs dang / 'tsho ba dang /
296a₆ tshangs par spyod pa dang / dka' thub dang / bsnyen bkur lhur len pa tsam gyis 'du byed kyi skye mched lhag ma de rjes su 'thob par 'gyur bar mi smra'i/ dge slong dag nga ni srid pa'i rtse mo'i snyoms par 'jug pas skye
296a₇ mched de rjes su 'thob par 'gyur bar smra'o/ /dge slong dag 'di lta ste/ de sgrub par snang ba de yang skye mched de'i nyon mongs pa yin te/ de bzhin gshegs pas 'di lta ste/ sdug bsngal ba dang / bsgrub pa de dag
296a₈ kyang yang dag pa ji lta ba bzhin du rab tu mkhyen to/ /dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa

_{iiif viewer powered by OpenSeadragon}

295b - 296b

Texts on this page