rKTs

e-texts navigator

Volume

Page

295b₁ yangs par 'gyur ba/ gzugs las gzhan pa dang / tshor ba las gzhan pa dang / 'du shes las gzhan pa dang / 'du byed rnams las gzhan du 'dogs par byed do zhes zer na/ de ni tshig gi dngos po kho nar zad de 'di lta ste/
295b₂ yul ma yin pa'i phyir dris na yang dag par rab tu mi shes shing lan la yang rmongs par 'gyur ro/ /dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed
295b₃ rnams yod na 'du byed rnams kyi 'gog pa yang yod pas na de bzhin gshegs pas de yod par thugs su chud nas de las phyir log cing de la zhi bar gzigs nges par 'byung bar gzigs shing bzhugs so/ /dge
295b₄ slong dag de la dge sbyong dang / bram ze gang dag 'du shes yod pa ma yin/ 'du shes med pa yang ma yin par smra ba de dag kha cig de phan chad bdag 'du shes yod pa yang ma yin 'du shes med pa yang ma yin par 'gyur ro//
295b₅ zhes mngon par rjod pa mngon par rjod par byed pa de dag ni dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro zhes mngon par rjod pa mngon par rjod par byed pa de dag
295b₆ gis smras pa la phyir rgol bar byed/ dmod par byed la/ dge sbyong dang bram ze gang dag 'du shes med par smra ba de dag kha cig de phan chad bdag 'du shes med par 'gyur ro zhes mngon par rjod pa mngon par rjod par byed pa de
295b₇ dag gis smras pa las phyir rgol bar byed/ smod par byed cing de dag 'di snyam du sems te/ 'du shes ni nad do/ /'du shes ni 'bras so/ /'du shes ni zug rngu'o/ /'du shes med pa yang kun du rmongs pa'o/ /'di lta ste/ 'du
295b₈ shes med 'du shes med min skye mched 'di ni zhi ba'o/ /'di ni gya nom pa'o snyam du sems te/ de bzhin gshegs pas dge sbyong dang bram ze gang dag 'du shes yod pa yang ma yin/ 'du shes med pa yang ma yin par

_{iiif viewer powered by OpenSeadragon}

295a - 296a

Texts on this page