rKTs

e-texts navigator

Volume

Page

295a₁ b ram ze gang dag 'du shes med par smra ba de dag kha cig de phan chad bdag 'du shes med par 'gyur ro zhes mngon par rjod pa mngon par rjod par byed pa de dag ni dge sbyong dang bram ze gang dag 'du shes can du smra ba de
295a₂ dag kha cig de phan chad bdag 'du shes can du 'gyur ro zhes mngon par rjod pa mngon par rjod par byed pa de dag gis smras pa la phyir rgol bar byed/ smod par byed cing de dag 'di snyam du sems te/ 'du shes ni nad
295a₃ do/ /'du shes ni 'bras so/ /'du shes ni zug rngu'o/ /'di lta ste/ 'du shes med pa 'di ni zhi ba'o/ /'di ni gya nom pa'o snyam du sems te/ de bzhin gshegs pas dge sbyong dang bram ze gang dag 'du shes med
295a₄ p ar smra ba de dag kha cig de phan chad bdag 'du shes med par 'gyur ro zhes mngon par rjod pa mngon par rjod par byed pa de dag dge sbyong dang bram ze gang dag 'du shes can du smra ba de dag kha cig de phan chad bdag 'du shes
295a₅ can du 'gyur ro zhes mngon par rjod pa mngon par rjod par byed pa de dag gis smras pa la phyir rgol bar byed/ smod par byed cing de dag 'di snyam du sems te/ 'du shes ni nad do/ /'du shes ni 'bras so/ /'du shes
295a₆ ni zug rngu'o/ /'di lta ste/ 'du shes med pa 'di ni zhi ba'o/ /'di ni gya nom pa'o snyam du sems pa de dag kyang yang dag pa ji lta ba bzhin rab tu mkhyen to/ /dge slong dag nga ni rnam par shes pa'i 'ong ba 'am/
295a₇ 'gro ba 'am/ gnas pa 'am/ 'chi 'pho ba 'am/ skye ba 'am/ rgyas shing 'phel la yangs par 'gyur ba/ gzugs las gzhan pa dang / tshor ba las gzhan pa dang / 'du shes las gzhan pa dang / 'du byed
295a₈ rnams las gzhan du 'dogs par mi byed do/ /dge slong dag gang dag 'di skad ces bdag ni rnam par shes pa'i 'ong ba 'am/ 'gro ba 'am/ gnas pa 'am/ 'chi 'pho ba 'am/ skye ba 'am/ rgyas shing 'phel la

_{iiif viewer powered by OpenSeadragon}

294b - 295b

Texts on this page