| e-texts navigator |
| བོད་ཡིག |
293b1 bka' stsal te/ bde bar gshegs pas de skad gsungs nas/ ston pas gzhan yang 'di skad bka' stsal to/ /dgon pa dang ni shing drung dang / /khyim stong dag tu 'jig rten gtso/ /rnam par 'dren pa rdzogs
293b2 sangs rgyas/ /rjes su dran gyis dge slong dag /gal te rnam 'dren 'jig rten gtso/ /rdzogs sangs rgyas pa mi dran na/ /'dod chags bral ba rnams kyi mchog /chos de rjes su dran par gyis/ /gal
293b3 te 'dod chags bral ba'i mchog / chos de rjes su mi dran na/ /dge 'dun bla med bsod nams zhing / /de ni rjes su dran par gyis/ /sangs rgyas chos dang dge 'dun rnams/ /de ltar rjes su dran byas na/ /
293b4 'jigs dang bag tsha spu ldang ba/ /med par 'gyur ro dge slong dag /'jigs pas skrag pa'i mi mang po/ /ri dang nags tshal rnams dag dang / /kun dga' mchod pa'i ljon shing la/ /skyabs su 'gro bar
293b5 gang byed pa/ /de ni skyabs gtso ma yin zhing / /de ni skyabs mchog ma yin te/ /skyabs de dag la rten byed pa/ /sdug bsngal kun las grol mi 'gyur/ /gang dag sangs rgyas chos dang ni/ /dge 'dun dag la
293b6 skyabs song ba/ /sdug bsngal sdug bsngal kun 'byung dang / /sdug bsngal yang dag 'gags pa dang / /bde zhing mya ngan 'das 'gro ba'i/ /'phags lam yan lag brgyad pa yi/ /'phags pa'i bden pa
293b7 bzhi po dag / shes rab kyis ni legs mthong 'gyur/ /de ni skyabs kyi gtso bo dang / /de ni skyabs kyi mchog yin te/ /skyabs de dag la brten byas na/ /sdug bsngal kun las grol bar 'gyur/ /bcom ldan 'das
293b8 kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /mdo chen po rgyal mtshan dam pa zhes bya ba rdzogs so// //
iiif viewer powered by OpenSeadragon
Texts on this page
J234 - mdo chen po rgyal mtshan dam pa