rKTs

e-texts navigator

Volume

Page

293a₁ yod/ bag tsha ba yod/ dngang pa yod/ 'bros pa yod cing / de ni lan 'ga' 'jigs par yang 'gyur/ bag tsha bar yang 'gyur/ dngang par yang 'gyur/ 'bros par yang 'gyur te/ dge
293a₂ slong dag da dung 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi
293a₃ bde ba dang / 'khrug pa dag las yongs su ma thar la/ 'jigs pa yod/ bag tsha ba yod/ dngang pa yod/ 'bros pa yod pa'i lha'i dbang po brgya byin de'i tshig kyang sum bcu rtsa gsum pa'i lha rnams dad
293a₄ pas mnyan par bya bar sems shing tshig bzhin du bya bar sems na/ dge slong dag nga ni de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral
293a₅ ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar ba/ 'jigs
293a₆ pa med/ bag tsha ba med/ dngang pa med/ 'bros pa med pa yin pas dge slong dag de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/
293a₇ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar ba/ 'jigs pa med
293a₈ pa/ bag tsha ba med pa/ dngang pa med pa/ 'bros pa med pa/ nga'i tshig mnyan par bya ba dang / gtams pa bzhin bya ba dang / rjes su bstan pa bzhin bya ba de ni gnas yin no/ /bcom ldan 'das kyis de skad ces

_{iiif viewer powered by OpenSeadragon}

292b - 293b

Texts on this page