rKTs

e-texts navigator

Volume

Page

292b₁ gyur na/ lha'i dbang po brgya byin gyis sum bcu rtsa gsum pa'i lha rnams la smras pa/ grogs po dag gal te khyed cag lha dang lha ma yin gyi g.yul du zhugs pa na/ 'jigs pa 'am/ bag tsha ba 'am/ spu
292b₂ zing zhes byed pa skye bar gyur na/ de'i tshe khyed kyis nga'i rgyal mtshan mchog rnam par rgyal byed yang dag par rjes su dran par gyis shig /de'i tshe khyed kyis nga'i rgyal mtshan mchog rnam par rgyal byed yang dag
292b₃ par rjes su dran par byas na 'jigs pa 'am/ bag tsha ba 'am/ spu zing zhes byed pa 'byung bar 'gyur ba gang yin pa de med par 'gyur ro/ /dge slong dag de bzhin du gal te khyed cag kyang dgon pa na 'dug kyang
292b₄ rung / shing drung na 'dug kyang rung / khyim stong pa na 'dug kyang rung ste/ 'jigs pa 'am/ bag tsha ba 'am/ spu zing zhes byed pa skye bar gyur na/ de'i tshe khyed kyis 'di ltar bcom ldan 'das de ni de bzhin gshegs
292b₅ pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi
292b₆ ston pa/ sangs rgyas bcom ldan 'das yin no zhes nga rnam pa las yang dag par rjes su dran par gyis shig /dge slong dag de'i tshe khyed kyis nga rnam pa las yang dag par rjes su dran par byas na/ 'jigs
292b₇ pa 'am/ bag tsha ba 'am/ spu zing zhes byed pa 'byung bar 'gyur ba gang yin pa de med par 'gyur ro/ /dge slong dag lha'i dbang po brgya byin de ni da dung 'dod chags dang bcas/ zhe sdang dang bcas/ gti
292b₈ mug dang bcas shing skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su ma thar la/ 'jigs pa

_{iiif viewer powered by OpenSeadragon}

292a - 293a

Texts on this page