| e-texts navigator |
| བོད་ཡིག |
292a1 par rab tu dga' bar mdzad do/ /rnam grangs du mar chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs
292a2 so/ /mdo chen po rgyal mtshan mchog ces bya ba rdzogs so// // rgya gar gyi mkhan po 'dzi na mi tra dang / pra dz+nyA warma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ /
292a3 @#/ /rgya gar skad du/ d+h+wa dzA gran nA ma ma hA sU tram/ bod skad du/ mdo chen po rgyal mtshan dam pa zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig
292a4 na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong
292a5 dag gal te khyed cag dgon pa na 'dug kyang rung / shing drung na 'dug kyang rung / khyim stong pa na 'dug kyang rung ste/ 'jigs pa 'am/ bag tsha ba 'am/ spu zing zhes byed pa skye bar gyur na/ de'i tshe khyed kyis
292a6 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha
292a7 lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yin no/ zhes nga rnam pa las yang dag par rjes su dran par gyis shig /de'i tshe khyed kyis nga rnam pa las yang dag par
292a8 rjes su dran par byas na 'jigs pa 'am/ bag tsha ba 'am/ spu zing zhes byed pa 'byung bar 'gyur ba gang yin pa de med par 'gyur ro/ /dge slong dag sngon lha dang / lha ma yin gyi g.yul nye bar gnas par
iiif viewer powered by OpenSeadragon
Texts on this page
J233 - mdo chen po rgyal mtshan mchog ces bya ba
J234 - mdo chen po rgyal mtshan dam pa