rKTs

e-texts navigator

Volume

Page

283b₁ pa 'dis gnas pa na/ gal te rnam par rtog pa dag la sems 'jug par gyur na/ kun dga' bo dge slong des mi dge ba/ sdug bsngal ba/ 'phags pa ma yin pa/ gnod pa dang ldan pa'i rnam par rtog pa 'di lta ste/
283b₂ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / de lta bu'i rnam par rtog pa gang dag yin pa de dag mngon par spangs la/ dge ba bde ba 'phags pa
283b₃ gnod pa med pa dang ldan pa'i rnam par rtog pa 'di lta ste/ nges par 'byung ba'i rnam par rtog pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa dang / de lta bu'i rnam par rtog
283b₄ pa gang dag yin pa de dag la rnam par brtag par bya'o/ /de de ltar rnam par rtog pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la
283b₅ dran pa dang shes bzhin can du 'gyur ro/ /kun dga' bo dge slong de gnas pa 'dis gnas pa na/ gal te gtam la sems 'jug par gyur na/ kun dga' bo dge slong des mi dge ba 'phags pa ma yin pa gnod pa
283b₆ dang ldan pa'i gtam 'di lta ste/ rgyal po'i gtam dang / rkun po'i gtam dang / 'thab mo'i gtam dang / zas kyi gtam dang / skom gyi gtam dang / gos kyi gtam dang / lam srang gi gtam dang / smad 'tshong ma'i
283b₇ gtam dang / 'jig rten gyi gtam rgyud kyi gtam dang / lam ngan pa'i gtam rgyud kyi gtam dang / rgya mtsho'i gtam rgyud kyi gtam dang / yul gyi mi dang / sna chen po la gtogs pa'i gtam rgyud gyi gtam dang /
283b₈ de lta bu'i gtam gang dag yin pa de dag mngon par spangs la/ 'phags pa'i yo byad bsnyungs pa sems kyi sgrib pa med pa dang 'thun par 'gyur ba'i gtam 'di lta ste/ tshul khrims kyi gtam dang / ting nge 'dzin gyi

_{iiif viewer powered by OpenSeadragon}

283a - 284a

Texts on this page