rKTs

e-texts navigator

Volume

Page

280b₁ lus kyi thams cad yang dag par myong zhing dran pa dang shes bzhin gyis lan mang du gnas so/ /nga gnas pa 'dis gnas pa na dga' ba dang / shin du sbyangs pa dang / bde ba dang / ting nge 'dzin skyes te/ nga ting nge 'dzin des
280b₂ lus kyi thams cad yang dag par myong zhing dran pa dang shes bzhin gyis lan mang du gnas so/ /nga gnas pa 'dis gnas pa na dge slong dang / dge slong ma dang / dge bsnyen dang / dge bsnyen ma dag nye bar lhags par gyur
280b₃ nas/ nga de la gzhol ba dang / de la 'bab pa dang / de la bab pa'i sems kyis de dag la 'di lta ste/ brtson 'grus su rung bar bya ba'i phyir phan tshun kun dga' bar gtam 'dre bar smra/ phebs par smra zhing chos kyi gtam yang zer ro/ /
280b₄ kun dga' bo de lta bas na dge slong yang kye ma bdag phyi stong pa nyid lus kyis mngon sum du byas nas bsgrubs te gnas par bya'o zhes 'dod par gyur na/ kun dga' bo dge slong des sems nang kho nar bzhag par bya/ yang
280b₅ dag par bzhag par bya/ bsdus te bzhag par bya/ nye bar bzhag par bya/ dul bar bya/ zhi bar bya/ nye bar zhi bar bya/ rgyud gcig tu bya zhing ting nge 'dzin du bya'o/ /kun dga' bo dge slong gang 'di skad ces/ bdag gis
280b₆ sems nang kho nar ma bzhag / yang dag par ma bzhag /bsdus te ma bzhag /nye bar ma bzhag /dul bar ma byas/ zhi bar ma byas/ nye bar ma byas/ nye bar zhi bar ma byas/ rgyud gcig tu ma byas shing / ting nge 'dzin
280b₇ du ma byas par phyi stong pa nyid lus kyis mngon sum du byas nas bsgrubs te gnas par bya'o zhe zer na/ kun dga' bo de ni rnam par 'khrul pa yin par rig par bya'o/ /de ci'i phyir zhe na/ kun dga' bo de ni gnas
280b₈ ma yin zhing skabs ma yin te/ gang sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /dul bar ma byas/ zhi bar ma byas/ nye bar zhi bar ma byas/ rgyud gcig tu

_{iiif viewer powered by OpenSeadragon}

280a - 281a

Texts on this page