rKTs

e-texts navigator

Volume

Page

278a₁ par chags shing gnas par bya bar mi rigs so snyam mo/ /des de ltar shes shing de ltar mthong bas 'dod pa'i zag pa las sems rnam par grol zhing srid pa'i zag pa dang / ma rig pa'i zag pa las kyang
278a₂ sems rnam par grol lo/ /rnam par grol bas bdag ni skye ba zad do/ /tshangs par spyad pa bstan to/ /bya ba byas so/ /srid pa 'di las gzhan mi shes so zhes rnam par grol ba ye shes mthong ba kho nar 'gyur ro/ /de 'di
278a₃ snyam du sems te/ 'du shes kyi rnam pa 'di 'di lta ste/ 'dod pa'i zag pa dang / srid pa'i zag pa dang / ma rig pa'i zag pas stong yang 'di la 'di lta ste/ srog rkyen du byas pa'i skye mched drug gi lus 'di kho na la brten nas mi stong
278a₄ pa yang yod do snyam mo/ /de la 'dod pa'i zag pa dang / srid pa'i zag pa dang / ma rig pa'i zag pa la brten pa nyon mongs pa'i gnas gang dag yin pa de dag med kyang de la 'di lta ste/ srog rkyen du byas pa'i skye mched drug gi lus de
278a₅ kho na la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang dag par rjes su mthong yang / de la lhag ma gang yod pa de de la yod do zhes bya bar
278a₆ yang dag pa ji lta ba bzhin du rab tu shes te/ kun dga' bo 'di lta ste/ zag pa rnams zad pas zag pa med cing mngon par 'dus ma byas pa rnam par grol ba gang yin pa 'di ni stong pa nyid la 'jug pa bla na med pa
278a₇ yin no/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag gis kyang 'di lta ste/ zag pa rnams zad
278a₈ pas zag pa med cing mngon par 'dus ma byas pa rnam par grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs par gyur to/ /kun dga' bo de bzhin gshegs pa

_{iiif viewer powered by OpenSeadragon}

277b - 278b

Texts on this page