rKTs

e-texts navigator

Volume

Page

276b₁ pa'i dbyings kho na 'am/ de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo / /zhes bya bar yang dag par rjes su mthong yang de la lhag ma gang yod pa de de la
276b₂ yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te/ phyin ci ma log pa yin no/ /de 'di snyam du sems te/ mtshan ma med pa'i dbyings
276b₃ kyang mngon par 'dus byas shing sems pas mngon par bsams pa de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi
276b₄ rigs so/ /snyam mo/ /de ltar shes shing de ltar mthong bas 'dod pa'i zag pa las sems rnam par grol zhing srid pa'i zag pa dang / ma rig pa'i zag pa las kyang sems rnam par grol lo/ /rnam par grol
276b₅ bas bdag ni skye ba zad do/ /tshangs par spyad pa bstan to/ /bya ba byas so/ /srid pa 'di las gzhan mi shes so/ /zhes rnam par grol ba ye shes mthong ba kho nar 'gyur ro/ /de 'di snyam du sems te/ 'du
276b₆ shes kyi rnam pa 'di 'di lta ste/ 'dod pa'i zag pa dang / srid pa'i zag pa dang / ma rig pa'i zag pas stong yang de la 'di lta ste/ srog rkyen du byas pa'i skye mched drug gi lus 'di kho na la brten nas mi stong pa yang yod do snyam 'am/
276b₇ de la 'dod pa'i zag pa dang / srid pa'i zag pa dang / ma rig pa'i zag pa la brten pa nyon mongs pa'i gnas gang dag yin pa de dag med kyang de la 'di lta ste/ srog rkyen du byas pa'i skye mched drug gi lus de kho na la brten
276b₈ pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo / /zhes bya bar yang dag par rjes su mthong yang / gang du zag pa med cing mngon par 'dus ma byas

_{iiif viewer powered by OpenSeadragon}

276a - 277a

Texts on this page