rKTs

e-texts navigator

Volume

Page

265a₁ ma yin/ so sor brtags pa ma yin pa'i btang snyoms su gnas par gyur to/ de ltar bdag yun ring po nas 'di la rjes su slob cing rjes su byed pa na/ rga ba dang / 'chi ba nyams su myong zhing /
265a₂ sngon gyi mtha' mi mngon par gyur pas bdag gis da ni yid kyis rnam par shes par bya ba'i chos dag la sngon ji lta ba de ltar bslab par mi bya zhing / bdag gis yid kyis rnam par shes par bya ba 'das pa dang /
265a₃ ma 'ongs pa dang / da ltar byung ba'i chos dag la log par mos pa 'am 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang
265a₄ gnod sems kyi tshogs kyi mdud pa dang tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa
265a₅ de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni yid gyis rnam par shes par bya ba'i chos de dag nyid yid du
265a₆ 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi
265a₇ gnas lta bu dag tu 'gyur te dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing / nges par 'byung
265a₈ ba rab tu mi shes te/ bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig yid kyis rnam par shes par bya ba'i chos 'di dag nyid bden pa dang gnas pa'i sgo

_{iiif viewer powered by OpenSeadragon}

264b - 265b

Texts on this page