rKTs

e-texts navigator

Volume

Page

264a₁ mgur spyod pa'i 'dod pa'i yon tan lnga po de dag ni bden pa dang gnas pa'i sgo nas yod pa ma yin te/ rmi lam de 'ba' shig yod do/ /sems slu bar byed pa de 'ba' shig yod do snyam du sems so/ /dge
264a₂ slong dag de bzhin du 'phags pa nyan thos thos pa dang ldan pa yang bdag gi lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya gang dag yin pa 'di dag la rtag pa nyid dam/ brtan
264a₃ pa nyid dam/ ther zug pa nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba
264a₄ nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad
264a₅ kyang de nyid yin/ ro'i gzugs kyang de nyid yin pas/ de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/
264a₆ bcom ldan 'das kyis gsungs pa/ 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas lus kyis rnam par shes par bya ba 'das pa dang / ma 'ongs pa dang /
264a₇ da ltar byung ba'i reg bya rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ /de
264a₈ lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang /

_{iiif viewer powered by OpenSeadragon}

263b - 264b

Texts on this page