rKTs

e-texts navigator

Volume

Page

255a₁ tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spang ba'i phyir bslab par bya zhing / de dag spangs par gyur cig ces de ltar
255a₂ so sor rtog par byed pa'i phyir ro/ /dge slong dag 'on kyang 'di na kha cig la ni rna bas rnam par shes par bya ba'i sgra de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba
255a₃ yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/
255a₄ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing nges par 'byung ba rab tu mi shes te/
255a₅ bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig rna bas rnam par shes par bya ba'i sgra 'di dag nyid bden pa dang gnas pa'i sgo nas ma mthong zhing /
255a₆ ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni rna bas rnam par shes par
255a₇ bya ba'i sgra yid bde ba'i gnas lta bu dag la rjes su chags shing gnas te/ dge sbyong dang bram ze brnab sems kyi tshogs kyi mdud pas kun nas sun phyung ba/ rjes su chags pa'i kun tu sbyor ba dang ldan pa de
255a₈ dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo nas ma

_{iiif viewer powered by OpenSeadragon}

254b - 255b

Texts on this page