rKTs

e-texts navigator

Volume

Page

254a₁ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid/ bdud kyi yo byad kyang de nyid yin/ ro yang de nyid yin/ ro'i gzugs
254a₂ kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/ bcom ldan 'das kyis
254a₃ gsungs pa 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas mig gis rnam par shes par bya ba 'das pa dang / ma 'ongs pa dang / da ltar byung ba'i
254a₄ gzugs nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo / /des mig gis rnam
254a₅ par shes par bya ba 'das pa dang / ma 'ongs pa dang / da ltar byung ba'i gzugs rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang /
254a₆ bdag med par yang dag par rjes su mthong ba na de mig gis rnam par shes par bya ba 'das pa dang / ma 'ongs pa dang / da ltar byung ba'i gzugs dag la log par mos pa 'am/ 'du shes phyin ci log gam/ sems
254a₇ phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang
254a₈ 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spong bar byed do/ /de dag spangs pa'i phyir bdud ldongs pa dang / yi chad pa dang / phyogs med par byas te gnas shing bdud

_{iiif viewer powered by OpenSeadragon}

253b - 254b

Texts on this page