| e-texts navigator |
| བོད་ཡིག |
56b1 gshegs pa'i chos kyi sku ni nam mkha' ltar rang bzhin med pa'i don no/ /longs spyod rdzogs pa'i sku ni sprin ltar 'byung ba'i don no/ /sprul pa'i sku ni sangs rgyas thams cad kyi phrin las te/ char pa lta bu ste thams cad
56b2 bangs pa'i don no/ /bcom ldan 'das la byang chub sems dpa' sa'i snying pos 'di skad ces gsol to/ /bcom ldan 'das kyi sku gsum gyi bshad pa ji ltar blta bar bgyi/ bcom ldan 'das kyis byang chub sems dpa'
56b3 sa'i snying po la bka' stsal pa/ rigs kyi bu de bzhin gshegs pa'i sku gsum ni 'di ltar blta bar bya'o/ /chos kyi sku ni de bzhin gshegs pa'i ngo gang la blta bar bya'o/ /longs spyod rdzogs pa'i sku ni byang chub
56b4 sems dpa'i ngo gang la blta bar bya'o/ /sprul pa'i sku ni mos pas spyod pa'i so so skye bo'i ngo gang la blta bar bya'o/ /rigs kyi bu chos kyi sku ni sangs rgyas thams cad dang rang bzhin 'thun par gnas so/ /longs spyod
56b5 rdzogs pa'i sku ni sangs rgyas thams cad dang ting nge 'dzin 'thun par gnas so/ /sprul pa'i sku ni sangs rgyas thams cad dang phrin las 'thun par gnas so/ /rigs kyi bu kun gzhi gnas su dag pa ni me long lta bu'i
56b6 ye shes te chos kyi sku'o/ /nyon mongs pa'i yid gnas su dag pa ni mnyam pa nyid kyi ye shes so/ /yid kyi rnam par shes pa gnas su dag pa ni so sor kun du rtog pa'i ye shes te longs spyod rdzogs pa'i sku'o/ /
56b7 sgo lnga'i rnam par shes pa gnas su dag pa ni bya ba grub pa'i ye shes te sprul pa'i sku'o/ /de nas byang chub sems dpa' sa'i snying pos bcom ldan 'das la 'di skad ces gsol to/ /bcom ldan 'das bdag gis bcom
56b8 ldan 'das la dam pa'i chos thos pa ni rab tu legs so/ /bde bar gshegs pa rab tu legs so/ /bcom ldan 'das kyis bka' stsal pa/ rigs kyi bu bcom ldan 'das la chos kyi rnam grangs 'di gang gis rab tu 'dzin pa
iiif viewer powered by OpenSeadragon
Texts on this page
J224 - 'phags pa sku gsum zhes bya ba theg pa chen po'i mdo