| e-texts navigator |
| བོད་ཡིག |
56a1 goms par byas na/ shes rab thob par 'gyur/ shes rab la goms par byas na/ 'di lta ste/ 'dod chags dang / zhe sdang dang / gti mug dag las sems yang dag pa kho nar rnam par grol bar 'gyur ro/ /de ltar
56a2 sems yang dag pa kho nar rnam par grol ba'i 'phags pa'i nyan thos kyis ni bdag gi zag pa 'di zad do/ /tshangs par spyod pa ni bsten to/ /bya ba ni byas so/ /'di las srid pa gzhan mi shes so zhes yang dag pa
56a3 kho nar shes par 'gyur ro/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do/ /bslab pa gsum gyi mdo rdzogs so// //
56a4 @#/ /rgya gar skad du/ Ar+ya kA ya trai nA ma ma hA yA na sU tra/ bod skad du/ 'phags pa sku gsum zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag
56a5 gis thos pa dus gcig na/ bcom ldan 'das rgyal po'i khab bya rgod phung po'i ri la bzhugs so/ /byang chub sems dpa' tshad med grangs med pa dang / lha dang / klu dang / 'khor thams cad dang thabs gcig tu bzhugs
56a6 te/ bcom ldan 'das la bkur stir bgyid cing mchod do/ /de'i tshe 'khor der byang chub sems dpa' sa'i snying po 'dug pa stan las langs nas/ bcom ldan 'das la 'di skad ces gsol to/ /bcom ldan 'das la sku du
56a7 mnga'/ bcom ldan 'das kyis bka' stsal pa/ sa'i snying po bcom ldan 'das de bzhin gshegs pa la sku gsum mnga' ste/ chos kyi sku dang / longs spyod rdzogs pa'i sku dang / sprul pa'i sku'o/ /rigs kyi bu de bzhin gshegs
56a8 pa'i sku gsum ni rang bzhin rnam par dag pa ni chos kyi sku'o/ /ting nge 'dzin rnam par dag pa ni longs spyod rdzogs pa'i sku'o/ /spyod pa rnam par dag pa ni sangs rgyas thams cad kyi sprul pa'i sku'o/ /rigs kyi bu de bzhin
iiif viewer powered by OpenSeadragon
Texts on this page
J223 - bslab pa gsum gyi mdo
J224 - 'phags pa sku gsum zhes bya ba theg pa chen po'i mdo