| e-texts navigator |
| བོད་ཡིག |
54b1 g.yul thams cad las yang dag par 'das par yongs su brjod pa yin pa'i phyir ro/ /de bzhin gshegs pa'i mtshan yongs su brjod pa gang yin pa 'di ni zil gyis mi non par yongs su brjod pa dang / zhi bar yongs su brjod pa dang /
54b2 yongs su gdung ba med par yongs su brjod pa dang / 'jigs pa med par yongs su brjod pa yin pa'i phyir ro/ /de nas lha rnams kyi dbang po brgya byin gyis chos kyi rnam grangs 'di la mchod pa'i phyir/ bcom ldan 'das la lha'i
54b3 me tog mAn dA ra ba dag gis mngon par gtor nas/ bcom ldan 'das kyi zhabs la mgo bos phyag 'tshal te lan gsum bskor ba byas nas yid dga' ba dang / sems dge ba dang / sems sgrib pa med pa dang / sems kun nas ldang
54b4 ba med pa dang / de bzhin gshegs pa'i mtshan yongs su brjod pa'i chos kyi rnam grangs 'di yid la byed bzhin du slad kyis kyang bdag gis bcom ldan 'das kyi zhal mthong bar gyur cig ces tshig tu smras nas/ sum bcu rtsa
54b5 gsum gyi lha rnams dang lhan cig tu bcom ldan 'das kyi thad nas dong ngo / /bcom ldan 'das kyis de skad ces bka' stsal nas/ lid tsa bi'i bu rtsal rab dang / lha rnams kyi dbang po brgya byin dang / lha dang / mi dang /
54b6 lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa bkra shis brgyad pa zhes bya ba theg pa chen po'i mdo rdzogs so// // @#/ /rgya gar skad du/
54b7 Ar+ya bud d+ha a nu smr-i ti/ bod skad du/ 'phags pa sangs rgyas rjes su dran pa/ sangs rgyas dang / byang chub sems dpa' thams cad la phyag 'tshal lo/ /'di ltar sangs rgyas bcom ldan 'das de ni de bzhin gshegs pa
54b8 dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan
iiif viewer powered by OpenSeadragon
Texts on this page
J219 - 'phags pa bkra shis brgyad pa zhes bya ba theg pa chen po'i mdo
J220 - 'phag pa sangs rgyas rjes su dran pa