rKTs

e-texts navigator

Volume

Page

51b₁ par bya'o/ /shA ri'i bu rigs kyi bu 'am/ rigs kyi bu mo theg pa chen po la yang dag par zhugs pa gang la la zhig gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan brjod de/ nub mo srod
51b₂ la nyal na de bde bar gnyid kyis log par 'gyur/ bde bar sad par 'gyur zhing sdig pa can gyi rmi lam rmi bar mi 'gyur te/ de gnyid kyis log pa na yang lha rnams bsrung bar 'gyur ro/ /shA ri'i bu rigs kyi bu 'am/ rigs kyi bu mo theg pa chen
51b₃ p o la yang dag par zhugs pa gang la la zhig gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan brjod nas mtshan mo tho rangs 'jig rten pa'i bya ba rnams rtsol na 'phel ba nyid tu 'gyur gyi 'grib
51b₄ par mi 'gyur ro/ /shA ri'i bu rigs kyi bu 'am rigs kyi bu mo theg pa chen po la yang dag par zhugs pa gang la la zhig de bzhin gshegs pa dgra bcom pa yang dag par rdzogs pa'i sangs rgyas de dag gi mtshan thos nas len cing 'dzin
51b₅ la klog cing kun chub par byed de/ 'jug par byed cing gzhan dag la yang rgya cher yang dag par rab tu ston na/ de 'di nas bzung ste/ byang chub kyi bar du nam yang mngon par shes pa dang bral bar mi 'gyur/ nam yang gzungs dang bral bar
51b₆ mi 'gyur/ nam yang dbang po ma tshang bar mi 'gyur/ nam yang mtshan dang bral bar mi 'gyur/ nam yang shes rab shin du rgyas pa dang bral bar mi 'gyur/ nam yang sangs rgyas dang / byang chub sems dpa' dang / rang sangs rgyas dang /
51b₇ nyan thos dang bral bar mi 'gyur ro/ /de 'di nas bzung ste/ byang chub kyi bar du nam yang shes rab phun sum tshogs pa shin du rgyas pa dang bral bar mi 'gyur ro/ /bcom ldan 'das kyis de skad ces bka' stsal te/ bde bar gshegs pas
51b₈ de skad gsungs nas/ stan pas gzhan yang 'di skad ces bka' stsal to/ /'jig rten mgon po 'di dag gi/ /mtshan rnams mi gang 'dzin byed pa/ /de ni ngan 'gro kun zlog nas/ /ring po mi thogs bde 'gror 'gro/ /rdzogs pa'i sangs

_{iiif viewer powered by OpenSeadragon}

51a - 52a

Texts on this page