| e-texts navigator |
| བོད་ཡིག |
50b1 nas shar phyogs logs su 'jig rten gyi khams gang gA'i klung bzhi'i bye ma snyed 'das pa na 'jig rten gyi khams shin du rnam par dag pa'i tshogs shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas
50b2 dbang po'i tog gi rgyal mtshan gyi rgyal po zhes bya ba da ltar yang bzhugs te 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su 'jig rten gyi khams gang gA'i klung lnga'i bye ma snyed 'das
50b3 pa na 'jig rten gyi khams rdul bral tshogs shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas yon tan mtha' yas pa snang ba'i dbang phyug rgyal po zhes bya ba da ltar yang bzhugs
50b4 te/ 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su 'jig rten gyi khams gang gA'i klung drug gi bye ma snyed 'das pa na 'jig rten gyi khams slu ba med pa zhes bya ba yod de/
50b5 de na de bzhin gshegs pa dgra bcom pa yang dag par rdzogs pa'i sangs rgyas thogs pa med par ston pa'i dpal zhes bya ba da ltar yang bzhugs te/ 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas
50b6 shar phyogs logs su 'jig rten gyi khams gang gA'i klung bdun gyi bye ma snyed 'das pa na 'jig rten gyi khams gser gyi tshogs shes bya ba yod de/ de na de bzhin gshegs pa dgra bcom pa yang dag par rdzogs pa'i
50b7 sangs rgyas rin po che'i pad ma la rnam par gnon pas bzhud pa zhes bya ba da ltar yang bzhugs te 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su 'jig rten gyi
50b8 khams gang gA'i klung brgyad kyi bye ma snyed 'das pa na 'jig rten gyi khams sgra dbyangs snyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i pad ma la rab tu gnas
iiif viewer powered by OpenSeadragon
Texts on this page
J218 - 'phags pa dkyil 'khor brgyad pa zhes bya ba theg pa chen po'i mdo