| e-texts navigator |
| བོད་ཡིག |
48b1 gshegs pa dgra bcom pa yang dag par rdzogs pa'i sangs rgyas mi 'khrugs pa yin te/ de'i tshe de'i dus na chos smra ba spobs pa brtsegs pa zhes bya bar gyur to/ /gang dag khyim pa shing sA la chen po lta bu'i gzhon
48b2 nur gyur pa bcu po de dag ni rigs kyi bu 'di dag yin te/ de'i tshe de'i dus na gang dag gis chos smra ba spobs pa brtsegs pa de la 'chal pa'i tshul khrims kyis glengs pa ste/ khyim bdag shing sA la chen po lta bu'i
48b3 gzhon nu bcu por gyur to/ /rigs kyi bu de bas na byang chub sems dpa' ji ltar gnas pas gnas kyang rung ste/ byang chub sems dpas srog gi phyir yang 'khrul pa la lta bar mi bya'o/ /de ci'i phyir zhe na/ rigs kyi
48b4 bu chos bzhi po 'di dag ni byang chub sems dpa' rnams kyi byang chub yongs su sbyong bar byed pa'i phyir ro/ /bzhi gang zhe na/ stong pa nyid sgom pa dang / sems can thams cad la zhe 'dras pa med pa'i sems dang / byang chub sems dpa'
48b5 rnams la rtag tu phan pa nye bar sgrub pa dang / zang zing med pa'i sems kyis chos sbyin pa yang dag par bstan pa ste/ rigs kyi bu chos bzhi po de dag ni byang chub sems dpa' sems dpa' chen po rnams kyis byang chub yongs su
48b6 sbyong bar byed pa'o/ /de nas bcom ldan 'das kyis don de nyid tshigs su bcad pa 'di dag gis bka' stsal to/ /rgyal bas gang gis de dag rnam dag pa/ /stong la mos pa lam gyi dang por gsungs/ /de la rtag tu bag yod gang
48b7 gnas pa/ /de ni sangs rgyas thob nas 'jig rten snang / /sems can kun la rtag tu dang ba dang / /gang la 'ang kwa zhes rjod par mi 'dod cing / /nga rgyal spangs nas skye bo rnams la bzod/ /'di ni sbyong bar byed pa'i lam gnyis
48b8 pa'o/ /sdug pa'i dngos po dri med gang ci 'ang rung / /byang chub mchog brtson rnams la de sbyin zhing / /de dag las ni lan 'dod mi bya ste/ /byang chub rab mchog gi ni lam gsum pa'o/ /snying rje can gyis nges par skye
iiif viewer powered by OpenSeadragon
Texts on this page
J217 - 'phags pa sangs rgyas mi spang pa zhes bya ba theg pa chen po'i mdo