| e-texts navigator |
| བོད་ཡིག |
47b1 de ni chu la spyod chu la blta yang der 'chi ba'i dus byed par mi 'gyur ro/ /rigs kyi bu de bzhin du byang chub sems dpa' sems dpa' chen po 'khor ba na spyod kyang de nyid du byis pa'i spyod pa la gnas nas ye shes kyi spyod
47b2 pa tshal lo/ /chos yang dag par blangs pas kyang rmongs par mi 'gyur ro/ /byis pa dang lhan cig tu gnas pas srid pa gsum gyi sdug bsngal nyams su myong bar yang mi 'gyur ro/ /de bas na byang chub sems dpa'
47b3 sems dpa' chen pos bdag bsrung bar bya'o/ /de nas de'i tshe bcom ldan 'das kyis tshigs su bcad pa 'di dag bka' stsal to/ /bde bar gshegs pa gang zhig mchod bya dang / /de la gang zhig phyag kyang 'tshal 'dod pa/ /
47b4 des 'dir bde gshegs sras rnams mchod par bya/ /'di ni rgyal ba rnams la mchod pa mchog /nga yi gos dang lhung bzed gding ba dang / /mal cha dang ni 'chag sa gang yin pa/ /gang dag byang chub don du brtson byed pa/ /de
47b5 dag la ni nga yis gnang ba yin/ /'di ltar mi mchog sangs rgyas thams cad kyang / /de las nges par shin du byung ba'i phyir/ /sangs rgyas rnams la ji ltar mchod bya ba/ /de bzhin de dag la yang mchod par bya/ /de dang de dag
47b6 mgon dang mkhas pa ste/ /long ba rnams la mig kyang sbyin par byed/ /lam la rmongs pa rnams kyi ston pa ste/ /'chi ba med pa'i phyogs su 'dren pa yin/ /gal te sems can rnams kyis de dag la/ /rtag tu dga' bas longs spyod
47b7 kun byin yang / /de dag rnams kyi dang po'i sems brten pa/ /de la 'ang lan glan byas par mi 'gyur ro/ /de nas bcom ldan 'das la byang chub sems dpa' sems dpa' chen po bag tsha ba med par gnas pas 'di skad ces gsol
47b8 to/ /bcom ldan 'das byang chub sems dpa' de dag gi las kyi sgrib pa de gang gis rnam par dag par 'gyur ba'i rnam grangs 'ga' zhig mchis lags sam/ bka' stsal pa/ yod de/ bag tsha ba med par gnas pa
iiif viewer powered by OpenSeadragon
Texts on this page
J217 - 'phags pa sangs rgyas mi spang pa zhes bya ba theg pa chen po'i mdo