rKTs

e-texts navigator

Volume

Page

46b₁ bya ba zhig byung ngo / /des chos la gus pas chos smra ba de la mchod pa'i phyir bud med lnga brgya dang glu dbyangs dang rol mo byas so/ /dge slong de la rin po che'i me tog sna tshogs kyis kyang mngon par gtor te/ tsan dan gyi byug
46b₂ pas kyang byugs so/ /ras bcos bu lnga brgyas kyang bkab bo/ /bde ba'i rim gro thams cad kyis mchod pa 'di lta ste/ chos smra ba la mchod pa'i mchod pa mchog gis zhag bdun du rim gro byas so/ /de nas dge slong de la
46b₃ khyim bdag gi bu de dag gis 'chal pa'i tshul khrims gyis glengs so/ /las de'i rnam par smin pas de dag lo dgu khrir sems can dmyal ba rnams su skyes so/ /tshe rabs lnga brgya lnga brgyar ni mi rnams kyi nang du za ma dang / kla klo dang / log par
46b₄ lta ba'i khyim rnams su skyes so/ /tshe rabs drug brgyar ni dmus long dang lce med par gyur to/ /tshe rabs bdun brgyar ni rab tu byung nas ji srid 'tsho'i mthar thug gi bar du gzungs ma thob par 'chi ba'i dus byas te/ las kyi
46b₅ sgrib pa de nyid kyis rigs kyi bu de dag bsgribs so/ /rigs kyi bu de lta bas na khyod mos par bya'o/ /khyod kyi khong du chud par bya'o/ /chos kyi rnam grangs 'di thos nas chos smra ba la mngon sum du mthong yang 'chal pa'i tshul khrims
46b₆ kyis brjod par mi bya na thos pa lta ci smos/ rigs kyi bu gang zhig sems can thams cad kyi mig 'byin par byed pa bas ni gang zhig chos smra ba la gshe ba'i bsam pas lta bar byed na/ de ni de bas ches kha na ma tho ba'i las che ba yin no/ /
46b₇ gang zhig sems can thams cad 'ching bar byed la/ gang zhig chos smra ba mthong na rgyab kyis phyogs te 'dug par byed na/ bsod nams ma yin pa 'di la bsod nams ma yin pa snga ma des brgya'i char yang nye bar mi 'gro/ stong gi cha dang /
46b₈ 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ gang chos smra ba la skur pa 'debs pa des ni sangs rgyas la skur pa btab par 'gyur ba'i phyir ro/ /sangs rgyas la bsnyen

_{iiif viewer powered by OpenSeadragon}

46a - 47a

Texts on this page