| e-texts navigator |
| བོད་ཡིག |
46a1 bud med tshogs dang bu yang spangs mdzad pa/ /bzod dang dul dgyes tshul khrims yon tan gzhol/ /blo gros dgyes gzhol brtul zhugs dka' thub brtsams/ /yon tan tshol bas sdug bsngal brgya bzod pa/ /rgyal ba khyod
46a2 kyis de brnyes yid gnyis bral/ /spyod la mkhas pa yid gnyis rnam spangs pa/ /skyon tshogs dri ma gsum gyi tha ba bral/ /'gro ba thams cad du yang rab gshegs pa/ /mgon po byang chub mchog gi tshul bshad gsol/ /de nas
46a3 bcom ldan 'das kyis byang chub sems dpa' sems dpa' chen po bag tsha ba med par gnas pa la 'di skad ces bka' stsal to/ /rigs kyi bu byang chub sems dpa' bcu po 'di dag thams cad kyis ni sangs rgyas mi spang ba byas so/ /
46a4 gsol pa/ bcom ldan 'das sangs rgyas mi spang ba zhes bgyi ba de gang lags/ bka' stsal pa/ rigs kyi bu sngon byung ba 'das pa'i dus na bskal pa sum bcu 'das pa de'i tshe de'i dus na 'jig rten gyi khams smig rgyu can du de bzhin gshegs pa rnam par
46a5 gzigs pa'i nga ro zhes bya ba byung bar gyur pa de'i tshe de bzhin gshegs pa de yongs su mya ngan las 'das pa'i phyi ma'i dus phyi ma'i tshe na rigs kyi bu bcu po 'di dag khyim bdag shing sA la chen po lta bu'i gzhon nur gyur to/ /de'i tshe rigs kyi bu bcu po de dag
46a6 thams cad kyis gtsug lag khang lnga brgya byed tu bcug go/ /gtsug lag khang re rer yang dge slong stong stong gnas par gyur to/ /rigs kyi bu de'i tshe chos smra ba spobs pa brtsegs pa zhes bya ba gzungs thob pa zhig chos ston to/ /rigs kyi bu
46a7 chos smra ba spobs pa brtsegs pa de chos kyi stan la 'dug pa la sangs rgyas lnga stong spobs pa sgrub par mdzad de/ lha dung phyur phrag brgyad kyang lus yongs su sbyang ba'i phyir brtson par gyur to/ /de'i chos bshad pa gcig gis
46a8 srog chags bdun khri bla na med pa yang dag par rdzogs pa'i byang chub las phyir mi ldog par gyur to/ /srog chags khri ni rgyun du zhugs pa'i 'bras bu thob bo/ /rigs kyi bu de'i tshe rgyal po zla bas byin pa zhes
iiif viewer powered by OpenSeadragon
Texts on this page
J217 - 'phags pa sangs rgyas mi spang pa zhes bya ba theg pa chen po'i mdo