| e-texts navigator |
| བོད་ཡིག |
45b1 dgung lo bdun du gzungs kyi don la brtson par gyur na de dag bsam pa ma grub cing bstan pa 'di las slar mchis pa khyim na gnas par g.yar gyis blangs pa lags na/ de'i slad tu bcom ldan 'das kyis rigs kyi bu de dag la ci nas myur ba kho nar
45b2 ye shes thob par 'gyur ba de ltar legs par lung dbog par mdzad tu gsol/ de nas bcom ldan 'das kyis byang chub sems dpa' sems dpa' chen po bag tsha ba med par gnas pa la 'di skad ces bka' stsal to/ /rigs kyi bu 'di
45b3 ltar de dag gis sangs rgyas mi spang ba zhes bya ba'i chos kyi rnam grangs 'di ma thos la/ sangs rgyas spong ba ni rjes su thob ste/ des na rigs kyi bu de dag myur du shes pa 'di la ma skyes so/ /de nas bcom ldan 'das la byang chub sems dpa' sems
45b4 dpa' chen po bag tsha ba med par gnas pas tshigs su bcad pa 'di dag gis zhus so/ /chos kyi rgyal po 'od mdzad pa/ /mi yi nyi ma khyod la zhu/ /byang chub sems dpa'i las spyod pa/ /spyod pa gang lags de bstan gsol/ /dpag med khyab
45b5 par 'phags pa'i blo grags pa/ /sangs rgyas thogs med stobs bcu mtshungs ma mchis/ /srid gsum 'byung ba rnam grol spros mi mnga'/ /sangs rgyas byang chub spyod pa dri med gsungs/ /dpag med ye shes mnga' ba khyod la zhu/ /
45b6 yid gnyis gcod par mdzad pa khyod la zhu/ /bcom ldan mtshungs pa mi mnga' khyod la zhu/ /byang chub sems dpa'i spyod pa'i tshul gang lags/ /rgyal ba bdud thul bde gshegs gang gis na/ /nyon mongs kun las rnam
45b7 par grol bar 'gyur/ /thugs rjes nyon mongs thul la byang chub lam/ /'phags pa de ni rab tu bshad du gsol/ /legs gsal legs byung legs 'brel gsung ba po/ /srid sel srid 'gro rnam 'joms lhur mdzad pa/ /
45b8 dge sbyong bzang po smra mchog yid gnyis sel/ /rgyal ba bde gshegs dri med spyod kun gsungs/ /sngon gyi srid brgyar legs spyad yon tan dge/ /'gro ba phan bder bsngo la brtson pa po/ /rin chen glang po rta spangs yun kyang ring / /
iiif viewer powered by OpenSeadragon
Texts on this page
J217 - 'phags pa sangs rgyas mi spang pa zhes bya ba theg pa chen po'i mdo