rKTs

e-texts navigator

Volume

Page

99b₁ dang mnyam pa'i bar dag go/ /kha cig gi ni lus las ni nyi ma bye ba brgya stong dang mnyam pa'i 'od dag byung ste/ mi mjed kyi sangs rgyas kyi zhing 'di thams cad sngon ma mthong ma thos pa'i snang ba chen po rgya che ba de lta bus 'jig rten khyab
99b₂ par gyur to/ /de dag gi lus las mchog tu sems can gzhan dag gi lus dang sems kyi bde ba la reg pa dang / dga' ba dang / rab tu tshim par byed pa/ nad thams cad rab tu zhi bar byed pa/ lta ba ngan pa thams cad rab tu zhi
99b₃ bar byed pa/ lus kyi gnas ngan len thams cad rab tu zhi bar byed pa/ bkres pa dang skom pa thams cad rab tu zhi bar byed pa/ 'dod pa thams cad rab tu zhi bar byed pa/ khro ba thams cad dang / 'jigs pa thams cad dang / nyon
99b₄ mongs pa dang / 'ching ba thams cad rab tu zhi bar byed pa'i 'od byung ste/ sangs rgyas kyi zhing 'di na srid pa gsum gyi btson ra'i sdug bsngal gyi 'jigs pa thams cad kyi bar rab tu zhi bar byed do/ /de'i tshe sangs rgyas kyi zhing
99b₅ 'di na sems can thams cad sangs rgyas la 'bab pa dag dang / chos la 'bab pa dag dang / dge 'dun gyi yon tan la dga' ba la mkhas pa dag 'khod par gyur to/ /yang de'i tshe sangs rgyas kyi zhing 'di phyogs bcu'i gang gA'i
99b₆ klung gi bye ma snyed kyi sangs rgyas kyi zhing stong pa dang / stong pa ma yin pa dag dang / yongs su dag pa dang / yongs su dag pa ma yin pa dag na kun nas lham me/ lhan ne/ lhang nger yang dag par snang ba ni 'di lta ste/ mtshan mo mun
99b₇ pa byung ba na zla ba dang / nyi ma brgya stong shar nas lham me/ lhan ne/ lhang nge ba bzhin te/ de ltar de'i tshe mi mjed kyi sangs rgyas kyi zhing yang phyogs bcu'i gang gA'i klung gi bye ma snyed kyi sangs rgyas kyi zhing stong pa dang / stong pa ma
99b₈ yin pa dag dang / yongs su dag pa dang / yongs su ma dag pa dag na kun nas mchog tu lham me/ lhan ne/ lhang nger gyur to/ /de nas sangs rgyas kyi zhing de dang de dag na byang chub sems dpa' sems dpa' chen po gang dag yod

_{iiif viewer powered by OpenSeadragon}

99a - 100a

Texts on this page