| e-texts navigator |
| བོད་ཡིག |
96a1 @##/ /rgya gar skad du/ Ar+ya sUr+ya gar+b+ha nA ma ma hA bai pu l+ya~M sU tra/ bod skad du/ 'phags pa shin tu rgyas pa chen po'i sde nyi ma'i snying po zhes bya ba'i mdo/ bam po dang po/ sangs rgyas dang byang chub
96a2 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab 'od ma'i tshal bya ka lan da ka gnas pa na bzhugs te/ gang dag phyogs bcu'i sangs
96a3 rgyas kyi zhing gzhan grangs med dpag tu med pa dag nas der lhags pa'i byang chub sems dpa' sems dpa' chen po grangs med/ dpag tu med/ brjod du med pa dag gis yongs su bskor cing mdun gyis bltas so/ /de bzhin
96a4 du phyogs bcu'i sangs rgyas kyi zhing gzhan dang gzhan dag nas der 'dus te lhags pa'i nyan thos chen po grangs med/ dpag tu med/ brjod du med pa dag gis kyang yongs su bskor cing mdun gyis bltas so/ /de bzhin du
96a5 phyogs bcu'i sangs rgyas kyi zhing gzhan dang gzhan dag nas 'dir lhags pa brgya byin dang / tshangs pa'i dbang po dang / lha'i dbang po dang / klu'i dbang po dang / gnod sbyin gyi dbang po dang / dri za'i dbang po dang / lha ma yin
96a6 gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po grangs med/ dpag tu med/ brjod du med pa dag gis kyang mi mjed kyi sangs rgyas kyi zhing thams cad sa dang
96a7 nam mkha' la 'gro ba'i lam gang bar gyur to/ /de bzhin du 'dod pa na spyod pa dang / gzugs na spyod pa'i lha gzhan dang gzhan dag dang / klu dang / gnod sbyin dang / srin po dang / lha ma yin dang / nam mkha' lding
96a8 dang / mi 'am ci dang / lto 'phye chen po gzhan dang gzhan grangs med dpag tu med pa dag kyang lhags nas bcom ldan 'das la gyen du lta zhing / bcom ldan 'das ring po mi thogs par mthar phyin pa/ nam
iiif viewer powered by OpenSeadragon
Texts on this page
J199 - 'phags pa shin tu rgyas pa chen po'i sde nyi ma'i snying po zhes bya ba'i mdo