| e-texts navigator |
| བོད་ཡིག |
72b1 dag par blangs te gnas par byed do/ /gsum po gang zhe na/ 'di lta ste/ ma chags pa dang / ser sna med pa dang / bag yod pa'o/ /dge slong dag dam pa'i chos gsum po de dag dang ldan na skyes bu dam pa sbyin pa
72b2 dag byin zhing / bsod nams dag byed la/ tshul khrims yang dag par blangs te gnas par byas pas lus zhig ste shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur ro/ /
72b3 bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /gang phyir ser sna bag med pas/ /sbyin pa sbyin par mi
72b4 byed de/ /de phyir bsod nams 'dod pa yi/ /mkhas pas sbyin pa sbyin par bya/ /ser sna can gyis 'jigs pa ni/ /bkres dang skom pa 'di yin na/ /gang gis 'jigs pas 'dir ma byin/ /de nyid mi yi
72b5 'jigs pa yin/ /gang gis ser sna'i dbang gis na/ /yod ma byin pa 'jigs pa ste/ /'jig rten 'di dang pha rol du/ /de yis byis pa bgos par 'gyur/ /gang dag ser sna spangs nas kyang / /dus su sbyin
72b6 pa sbyin byed na/ /shi yang de ni shi ma yin/ /rgyags bzang po yi 'gron po bzhin/ /gang dag shin du btang dka' ba/ /nyung ngu 'am mang po gtong byed na/ /btang dka' gtong ba de dag ni/ /dka' ba'i las dag byed pa
72b7 yin/ /dam pa min pas mi rtogs te/ /dam pa chos las 'da' mi byed/ /de phyir dam pa dam pa min/ /'di nas shi bar 'gyur ba na/ /dam pa min pa dmyal bar 'gro/ /dam pa dag ni mtho ris 'gro/ /rga bas
72b8 gtses pa la ni skyabs med de/ /tshe thung bas ni srog khyer dus kyang nye/ /'chi ba'i 'jigs pa 'di mthong rnams kyis ni/ /bsod nams bde sbyor dag ni bya ba'i rigs/ /bud med spangs 'dir sbyor bas 'tsho ba gang / /
iiif viewer powered by OpenSeadragon
Texts on this page
J195 - chos gsum pa zhes bya ba'i mdo