| e-texts navigator |
| བོད་ཡིག |
62a1 bzang ba mdzes pa lta na sdug pa nad nyung ba'o snyam du ji srid 'tsho'i bar du yid brtan par mi bya ba dang / dge slong dag rigs kyi bu mkhas pas bdag ni phyug pa/ nor mang ba/ yo byad phun sum tshogs pa'o
62a2 snyam du ji srid 'tsho'i bar du yid brtan par mi bya'o/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad ces bka' stsal to/ /bud med brten du ga
62a3 la rung / /rgyal po'i pho brang ga la dga'/ /dbu ba'i snying po ga la yod/ /longs spyod rtag pa ga la yin/ /longs spyod dag ni 'bab chu bzhin/ /gru ci 'dra bar khyim de 'dra/ /me tog ci 'dra gzugs de bzhin/ /srog ni chu bur
62a4 'dra ba yin/ /bcom ldan 'das kyis de skad ces bka' stsal nas/ dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon
62a5 par bstod do/ /chos bzhi pa'i mdo rdzogs so// // rgya gar skad du/ Ar+ya tsa tur d+harma ka nA ma ma hA yA na sU tra/ bod skad du/ 'phags pa chos bzhi pa zhes bya ba theg pa chen po'i mdo/
62a6 sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun
62a7 dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ byang chub sems dpa'i tshogs chen po dang yang thabs gcig go/ /de nas bcom ldan 'das kyis dge slong rnams la bka'
62a8 stsal pa/ dge slong dag byang chub sems dpa' sems dpa' chen pos chos bzhi po 'di dag ji srid 'tsho'i bar du srog gi phyir yang yongs su mi gtong ngo / /bzhi gang zhe na/ dge slong dag byang chub sems dpa' sems dpa' chen pos
iiif viewer powered by OpenSeadragon
Texts on this page
J192 - chos bzhi pa'i mdo
J193 - 'phags pa chos bzhi pa zhes bya ba theg pa chen po'i mdo