| e-texts navigator |
| བོད་ཡིག |
61b1 sems dpa' sems dpa' chen pos mdo 'di rtag tu bklag par bya'o/ /kha ton du bya'o/ /bsam par bya'o/ /bsgom par bya'o/ /mang du bya'o/ /des na nyes par spyad pa 'bras bu 'byin par mi nus par 'gyur ro/ /bcom ldan 'das
61b2 kyis de skad ces bka' stsal nas/ byang chub sems dpa' sems dpa' chen po byams pa dang / dge slong de dag dang / byang chub sems dpa' de dag dang / brgya byin la sogs pa'i lha'i bu rnams dang / thams cad dang ldan
61b3 pa'i 'khor de dag yi rangs te/ bcom ldan 'das kyis gsungs pa la mngon par bstod do/ /'phags pa chos bzhi bstan pa zhes bya ba theg pa chen po'i mdo rdzogs so// // rgya gar gyi mkhan po su ren dra bo
61b4 d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ / @#/ /rgya gar skad du/ tsa tur d+harma ka sU tra/ bod skad du/ chos bzhi pa'i mdo/ sangs rgyas dang / byang chub sems
61b5 dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga
61b6 bcu'i dge slong gi dge 'dun chen po dang thabs gcig tu bzhugs te/ de nas bcom ldan 'das kyis brtan cing zab la snyan cing rgya che ba'i sgra dbyangs kyis dge slong rnams la bka' stsal pa/ dge slong dag rigs
61b7 kyi bu mkhas pas ji srid 'tsho'i bar du gnas bzhi la yid brtan par mi bya'o/ /bzhi gang zhe na/ dge slong dag rigs kyi bu mkhas pas bdag ni bud med dag la dga' ba'o snyam du ji srid 'tsho'i bar du yid brtan
61b8 par mi bya ba dang / dge slong dag rigs kyi bu mkhas pas bdag ni rgyal po'i pho brang 'khor la dga' ba'o snyam du ji srid 'tsho'i bar du yid brtan par mi bya ba dang / dge slong dag rigs kyi bu mkhas pas bdag ni gzugs
iiif viewer powered by OpenSeadragon
Texts on this page
J192 - chos bzhi pa'i mdo
J191 - 'phags pa chos bzhi bstan pa zhes bya ba theg pa chen po'i mdo