| e-texts navigator |
| བོད་ཡིག |
61a1 bya ba theg pa chen po'i mdo rdzogs so/ / // @#/ /rgya gar gyi mkhan po dI pang ka ra shrI dz+nyA na dang / zhu chen gyi lo ts+tsha ba dge slong shAkya blo gros dang / dge slong dge ba'i blo gros kyis bsgyur cing zhus te gtan la phab
61a2 pa/ / rgya gar skad du/ Ar+ya tsa tur d+harma nir de sha nA ma ma hA yA na sU tra/ bod skad du/ 'phags pa chos bzhi bstan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /
61a3 'di skad bdag gis thos pa dus gcig na/ bcom ldan 'das sum bcu rtsa gsum lha'i nang na lha'i 'dun sa chos bzang na dge slong lnga brgya tham pa'i dge slong gi dge 'dun chen po dang / byams pa dang / 'jam dpal la sogs pa byang chub
61a4 sems dpa' sems dpa' chen po rab tu mang po dang thabs gcig tu bzhugs te/ de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa byang chub sems dpa' sems
61a5 dpa' chen po chos bzhi dang ldan na sdig pa byas shing bsags pa zil gyis non par 'gyur ro/ /bzhi gang zhe na 'di lta ste/ rnam par sun 'byin pa kun du spyod pa dang / gnyen po kun du spyod pa dang / sor chud par byed pa'i stobs dang /
61a6 rten gyi stobs so/ /de la rnam par sun 'byin pa kun du spyod pa ni mi dge ba'i las spyad na de la 'gyod pa mang ba yin no/ /de la gnyen po kun du spyod pa ni mi dge ba'i las byas nas kyang dge ba'i las la shin du brtson pa'o/ /de la sor
61a7 chud par byed pa'i stobs ni sdom pa yang dag par blangs pas mi phyed pa'i sdom pa thob pa'o/ /de la rten gyi stobs ni sangs rgyas dang / chos dang / dge 'dun la skyabs su 'gro ba dang / byang chub kyi sems mi gtong ba ste/ de stobs
61a8 dang ldan pa la rten pas sdig pas zil gyis gnon par mi nus so/ /byams pa byang chub sems dpa' sems dpa' chen po chos bzhi po de dag dang ldan na sdig pa byas shing bsags pa zil gyis non par 'gyur ro/ /byang chub
iiif viewer powered by OpenSeadragon
Texts on this page
J190 - byang chub sems dpa'i so sor thar ba chos bzhi sgrub pa zhes bya ba theg pa chen po'i mdo
J191 - 'phags pa chos bzhi bstan pa zhes bya ba theg pa chen po'i mdo