rKTs

e-texts navigator

Volume

Page

60b₁ dga' ba nye bar skye bar 'gyur/ /chos rnams mang po tshol byed cing / /thos pa mang la legs gnas na/ /gang gis the tsom gcod byed pa'i/ /des de'i shes rab 'phel bar 'gyur/ /skye dang 'chi ba'i rgyun dag las/ /'di dag ji ltar dgrol bya zhes/ /
60b₂ ltos med phan pa'i sems dag gis/ /dam pa'i chos kyang ston par byed/ /gnod sems don du mi gnyer bas/ /byams pa'i sems kyang sgom par byed/ /mi 'jigs pa dang phan pa'i sems/ /bdag dang sems can mnyam pa nyid/ /
60b₃ byang chub la brtan zil gnon pa'i/ /brtson pa dag kyang legs par rtsom/ /gang dag byang chub la rten pa'i/ /dge ba'i chos rnams tshol ba dang / /bsgom par bya ba bsgom pa dang / /spang bar bya ba'ang rnam par spong / /ji ltar spang bya spangs pa yis/
60b₄ myur du mya ngan 'da' bar 'gyur/ /dgon pa'i gnas la mngon phyogs shing / /gnod pa dag la rgyab kyis phyogs/ /thos pa tshol la brtson pa dag /go 'phang mchog ni rtogs par 'gyur/ /dge slong dge slong ma rnams dang / /dge bsnyen de
60b₅ bzhin dge bsnyen ma/ /thams cad dang ni de dag gis/ /'dris pa rnam par spang bar bya/ /byis pa'i lam la rten pa yi/ /rmongs pa kun kyang skyabs med de/ /gang zhig chos la rten pa dang / /de dag sangs rgyas mchog tu gzhol/ /mi gang
60b₆ sems can don dga' ba'i/ /sangs rgyas pha dang ma yin no/ /g.yo med chos la 'dod pa dag /byang chub la ni rab tu dad/ /sangs rgyas dag tu mi lta ba'i/ /mi rnams mtshan nyid gsum gsungs te/ /g.yo dang chos min 'dod pa dang / /
60b₇ snyom las dag las rtag dga' ba'o/ /'dod chags zhe sdang nga rgyal dang / /de bzhin sdig pa rab spangs nas/ /blo ldan brtson 'grus ldan gyur pa/ /byang chub la ni rab gus 'gyur/ /bcom ldan 'das kyis de skad ces bka' stsal
60b₈ nas/ tshe dang ldan pa shA ri'i bu dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /byang chub sems dpa'i so sor thar pa chos bzhi sgrub pa zhes

_{iiif viewer powered by OpenSeadragon}

60a - 61a

Texts on this page